(圖: 官網)
夏冬兩季係傳統旅遊旺季，京都嘅夏天非常悶熱，而隆冬時則有機會落雪，喺室外景點行足成日，有時都咪話唔攰。遊客如果想喺室內休息吓，不妨到京都嘅溫泉放鬆身心。特別係唔少溫泉都有餐廳和休閒設施，而且餐廳供應嘅料理一啲都唔馬虎，以下介紹返3間有美食又有靚溫泉嘅京都知名「錢湯」俾大家參考。
「天山之湯」溫泉以氯化鈉和氯化鈣溫泉為賣點，其泉水品質接近海水，據講有美肌功效。除了露天浴池和桑拿浴之外，還有足浴和魚療，週末還提供碳酸溫泉（碳酸浴），可以改善血液循環。
天山の湯 だいにんぐ除咗歎溫泉，館內仲有好多地方俾大家慢慢休息。「だいにんぐ」餐廳除咗日本料理和西餐，還提供傳統嘅時令京都美食。比較特別嘅係餐廳入面有魚缸，即劏即煮海鮮料理，夠哂新鮮。酒類飲品亦有好多選擇。
溫泉收費為成人每位1050円，由上午10點開放至凌晨1點，餐廳營業時間為上午11點至凌晨1點。
View this post on Instagram
「仁左衛門」設有兩個大型露天風呂，第一個係名為「空蝉」嘅岩風呂，另一個係名為「藤壺」嘅檜木風呂，每日將兩個風呂輪流分為男湯、女湯開放。呢度仲有溫泉和冷泉兩種類型嘅泉水添。除咗露天浴池，室內有桑拿浴、岩盤浴和按摩浴缸等設施。 店內甚至仲設有藥妝店及髮型屋，女士們真係可以玩足一日。
仁座食堂館內餐廳「仁座食堂」提供各種日式美食，從定食、麵類、咖哩，甚至日式甜品都有，平均價格唔使1000円，定價合理，浸完溫泉去醫吓肚就最啱。
平日溫泉收費為700円，週末及節假日為850円。岩盤浴要額外收費800円（平日）/ 900円（週末及節假日）。溫泉開放時間為上午10點至深夜2點（星期六，星期日和節假日從上午8點開始開放）。「仁座食堂」從上午11點開始營業，晚上11點last order。
この投稿をInstagramで見る
「力の湯」位於京都伏見，被唔少顧客稱為「超級錢湯」，事關呢度除咗有餐廳、按摩院、髮型屋、健身室，甚至連五人制足球場都有。唔單止設施齊全，而且仲有各式各樣嘅風呂，包括露天風呂、女性限定嘅微細泡泡牛奶風呂、強力嘅按摩浴缸、種類豐富又經常變換嘅是日風呂等。
じねんと食堂館內嘅「じねんと食堂」係自助餐餐廳，供應70多種日式及西式佳餚，包括新鮮沙律、熱盤小菜、麵類、甜品等。另外亦有無麩質料理提供，頗受女士歡迎。
平日溫泉收費為650円，週末750円，風呂嘅開放時間為上午10點至深夜1點。
「じねんと食堂」每日午市（11：00-15：00），及週末假日晚市（17：00-22：00）時段營業。自助餐收費為平日1390円，週末假日1590円，任飲要額外收費250円。
この投稿をInstagramで見る