大阪最大嘅購物區「心齋橋」同關西潮流勝地「美國村」係唔少人去大阪必到嘅地方，周邊梗係有好多定番大阪美食啦，小編精選咗7間介紹返，未試過點都要試吓。
心齋橋筋商店街
宇治園已經有近150年歷史，除咗販賣嚴選茶葉等，仲附設Cafe，供應抹茶及焙茶甜品。推介名物有抹茶 / 焙茶tiramisu (各1,080円)、抹茶 / 焙茶刨冰 (各800円)及宇治抹茶生茶麵。
(圖: 官方FB)
LUKE'S 心斎橋店
從紐約而來嘅龍蝦三文治專門店，龍蝦一般來自盛產龍蝦嘅美國緬因州。招牌龍蝦包嘅龍蝦肉份量十足，龍蝦以檸檬、牛油同各式調味料調味，味道啱啱好。除咗龍蝦，亦有蟹肉包、蝦包，而且雙拼又得，得咗。
(圖: Shinsaibashi / 官網)
PABLO COFFEE 心斎橋オーパきれい館店
PABLO嘅芝士撻有幾出名都唔使多講，旗下呢間Cafe堅持嚴選咖啡豆以提供優質咖啡，當然唔少得各式芝士撻啦。最估唔到係PABLO竟然賣埋芝士奶蓋飲品(450円)，芝士材料同整芝士撻嘅一樣，夠哂濃郁，芝士控必試。
(圖: 官網)
美國村
ELK 心斎橋店
「ELK」主打pancake同3D咖啡拉花。鬆軟嘅pancake有唔少Toppings任君選擇，仲有甜品同正餐menu添。必試焦糖忌廉芝士雜莓pancake (1,380円)，同埋cute到爆嘅動物3D拉花cappuccino (680円)，賣相一流而且味道都唔欺場架。
(圖: 官網)
呢間雪榚店先憑「彩色玫瑰意式雪糕」打響名堂，喺日本IG洗哂版。意式雪糕有6種口味可選，包括朱古力、雲呢拿、抹茶等。前排仲新推出兩款打卡神器美食：「燈泡梳打」及「裝飾雪榚 (共有星星/花/愛心3種可揀)」，一於相機食先。
呢間章魚燒店連續3年入選米芝蓮車胎人美食推介。食材都經嚴格挑選，而且口味眾多。必食經典蛋黃醬燒汁口味 (400円10粒)，仲有仙貝夾住章魚燒一齊食嘅「たこせん (180円)」都好受歡迎。
(圖: 官網)
最後介紹埋呢間雪榚，喺美國村開咗超過八年，唔少名人明星都食過，係美國村嘅代表美食之一。經典名物「元祖Ice Dog (350円)」以略微炸過嘅新鮮熱狗包，夾住濃郁嘅軟滑雲呢拿雪榚，加多30円仲可以轉朱古力或抹茶雪榚添。麵包到手嘅時候仲係熱熱哋，所以啲雪榚都溶得幾快，影完相要趁凍食喇～