今年京都車胎人美食推介有18間新上榜餐廳，行程短短幾日唔知點揀好？放心，日本小編為大家精選其中6間，三星名店嘅平民版又有、麵怪至愛嘅拉麵同烏冬又有。車胎人美食推介嘅餐廳，人均消費皆為5,000円以下，試多兩間都無妨~
菊乃井 無碍山房 ~Salon de Muge~米芝蓮三星常客
菊乃井喺今年4月於本店旁邊開咗呢間茶館，目的係為咗令更多人能以相宜嘅價格，品嚐到正宗和食。午市供應時雨便當 (5,000円 / 附刺身6,500円)，傍晚開始供應咖啡 (1,000円)、甜點如：新鮮出爐嘅蕨餅、抹茶芭菲(各1,300円)等。午市入座時間分為11:00-12:30、13:00-14:30兩部份，Cafe時段於下午2:45開始至下午5:00。建議先提前訂座。呢間關東煮餐廳於2016年開業，位於一幢普通大廈地下走廊嘅盡頭，招牌細到同一般住家門牌無異，好隱世。呢度嘅母店係高湯專門店「うね乃」，擁有豐富經驗嘅主廚以嚴選嘅食材，製作出兩種高湯，一種係煮關東煮嘅時候入味用、一種係上菜時用，務求帶俾食客最佳嘅味道。至於關東煮嘅選擇都有唔少，由基本嘅白蘿蔔到特別嘅創新款式都有。價錢方面，單點一件關東煮由350円起。
かの古
開業超過90年嘅壽喜燒老字號。一直以來湯汁只用粗砂糖及醬油製作，以帶出國產霜降牛肉最原始嘅肉香味。夏天嘅時候客人可以喺川床座位，一邊欣賞鴨川嘅景色，一邊享受美食。一人份壽喜燒套餐盛惠4,500円。
煮干そば 藍呢間煮干（小魚乾）拉麵專門店嘅老闆兼主廚，曾經喺東京知名拉麵店「中華そば しば田」等數間拉麵店修業過。店面裝修到成間Cafe咁，仲有啲熱帶風情添。名物「煮干そば(700円)」嘅高湯用沙甸魚、鯛魚、秋刀魚3種小魚乾煮成，味道溫和鮮味、層次豐富，同柔軟嘅全麥幼麵、自家製叉燒好夾。
呢間烏冬專賣店由曾經係法國廚師嘅店主經營。名物「九条蔥烏冬(1,200円)」有貴價嘅九条蔥、清新微甜嘅高湯、爽滑彈牙嘅木薯粉烏冬，各款食材配合得恰到好處。另外，店內所有烏冬都會附上一份炸九条蔥，浸喺湯汁度食又得，或者就咁品嚐佢香脆嘅口感亦得，得咗。
80後老闆兼主廚用10年時間喺其他餐廳累積經驗，以令正宗割烹料理更親民為目標，2016年開咗呢間以自己姓氏命名嘅餐廳。招牌菜有鯖魚昆布卷同鴨胸，另外當季嘅鮮魚刺身亦係推介菜式。喺度食餐晚飯，叫幾款菜式又飲少少酒的話，平均每位約4,000至7,000円落樓，以割烹餐廳嚟講的確算好貼地。
其他米芝蓮消息：
京阪米芝蓮2018 京都新摘星餐廳5大推介：https://s.openrice.com/UbbcA0G4000
大阪米芝蓮2018 車胎人平民推介精選：https://s.openrice.com/UbbcAzu0000
京阪米芝蓮2018 大阪新摘星餐廳介紹：https://s.openrice.com/UbbcAzm0000
大阪米芝蓮2018完整名單：https://s.openrice.com/UbbcAzW0000
京都米芝蓮2018完整名單：https://s.openrice.com/UbbcAze0000