東京原宿出名多打卡美食，今個夏天有3間雪榚店成功洗版，皆因款款雪榚都少女心爆燈好夢幻，就係俾你相機食先跟手PO埋相呃like，真係食得又睇得，得咗！
Eddy’s Ice Cream位於裏原宿，開業1年左右，主打裝飾雪榚。以白朱古力同曲奇整成嘅Toppings款式頗多，有蝴蝶結、獨角獸、貓貓等等，全部粉色系，相信女士們見到都會大叫Kawaii。除咗Toppings，呢度連雪榚筒都有10隻色，甚至有季節限定嘅雪榚口味添！店家仲有幾款配搭好嘅主題雪榚，就算有選擇困難都唔駛驚啦～
▼店員推介「Candy (連稅800円)」(左) 及「American (連稅800円)」(右)。
呢間甜品店喺竹下通開業無耐，號稱係世界第一間彩虹甜品專門店。行入舖頭會經過一條「彩虹之路」，玻璃走廊兩邊貼哂彩虹裝飾，影相一流，仲好似入咗主題公園咁。
(圖: 官網)
▼最多人點呢個「Rainbow Roll Ice (連稅950円)」。
用北海道牛奶製成6款唔同顏色嘅雪榚，有士多啤梨、哈密瓜、芒果等口味，上面仲有鮮忌廉、士多啤梨果乾等Toppings。
呢間雪榚店專賣特濃軟雪榚，最特別係招牌雪榚上面有香川縣傳統甜點「おいり」，由糯米及白成糖製成，外表圓碌碌又粉色系，可愛之餘據講可以增強戀愛運架。
而店內最受歡迎係「coi軟雪榚 (3種口味 / 連稅各600円)」，用上特濃芝麻雪榚，配上和菓子Toppings，賣相吸引。純黑色雪榚「GOTHSOF (連稅600円)」都係熱捧口味，以竹炭、黑朱古力粉、黑芝麻為材料，型人必試。
(圖: 官網)