嚟大阪點可以唔食唔同類型嘅特色拉麵呢🤭今次我哋就嚟到心齋橋嘅人氣拉麵店🥳會話呢間嘢雖然開24小時，但係無論平日定係禮拜六日都係咩時候都大排長龍😂😂記得嗰晚我哋去完梅田，返到心齋橋已經夜晚10:30pm，但我哋11:35pm先入到去食，足足等咗一個鐘🥹😭我哋食完出嚟都仲係好多人排隊，真係好誇張…..🌟軟骨叉燒肉拉麵+溏心蛋🍜 ¥1380呢個拉麵一樣有紫菜、荀、蔥同鳴門卷🍥，唔同嘅係佢嘅叉燒變咗做原條嘅豬軟骨😎唔係講笑，呢間真係我食過最好食嘅豬軟骨😭😭絕對係世一！！坐忘都即刻比下去變成我嘅no.2🤓首先佢真係原條上，係超大條勁長❣️望到真係嚇親🤣咬落去真心感動咗🥹因為真係燜得好淋好淋🥹無論係肉定軟骨部份都好淋，軟骨位勁多，食落去嘅感覺就係啖啖骨膠原🥹真係會黏口嗰種😭❣️已經唔係啫喱嘅層次😭真係好好食❤️👦🏻未食過咁淋嘅軟骨，仲以為係肥膏😂🤣同我講佢嗰碗冇軟骨🤣而味道方面仲要好入味，有紅燒嘅感覺😍雖然好大條，但自己食晒絕對唔係問題🤣🥰對於豬軟骨控嘅我超滿足🥳不過碗拉麵真係差少少🤏因為湯底真係好油好鹹，連食開重口味嘅👦🏻都接受唔到😂不過拉麵係煙韌好食嘅！糖心蛋都有醬油味～係個湯就差啲🥹不過我絕對會為咗佢條豬軟骨而回頭！🤭🌟幸福拉麵+溏心蛋🍜 ¥1000👦🏻叫嘅呢個幸福拉麵就有齊晒所有配料，除咗豬軟骨之外仲有普通叉燒～不過叉燒就比較普通，有啲似腩肉🤣覺得唔使特別試😌專心食豬軟骨就好了😝豬軟骨控嚟大阪嘅時候真心真心唔可以錯過呢間拉麵店🥹😍食完覺得排呢一個鐘係值得！🥹食完即刻返唔到轉頭！😍加一服務費：❎回頭率：❤️❤️❤️❤️💛 (5個❤️為滿分，💛=0.5❤️)…さらに見る
