3
2
0
電話番号
03-5458-0002
紹介
渋谷駅西口、マークシティ内にある人気店。セットも単品メニューも充実していて、美味しいお寿司をお得な価格で食べる事ができます。
続けて読む
営業時間
本日
11:00 - 22:00
月曜 - 金曜
11:00 - 22:00
土曜 - 日曜
11:00 - 21:00
祝日
11:00 - 21:00
上記は参考情報です。詳細はレストランでご確認ください。
看板メニュー
由於是次聖誕東瀛遊食唔到一餐滿意嘅壽司，直令姨媽耿耿於懷，結果朝早退咗酒店房後哥哥就帶路去地圖顯示為最近嘅連鎖壽司屋「梅丘寿司の美登利総本店渋谷分店」食個早午餐。八口子十一點左右到步，一如所料，長長嘅走廊及門前早已排滿及坐滿攞咗飛嘅食客等位。門外貼出日英雙語告示，指繁忙時間限定用餐時間為兩小時，及店內並冇足夠空間擺放行李。亦展出附有彩圖嘅推介及節令菜式，方便貴客候座時諗定食乜。聽到哥哥仔話分兩張四人枱會快啲有位喎，當然係立即接納啦，埋位即派發餐牌及即棄餐具。用餐大堂座無虛席，迫到真係連轉身都唔易。服務生忙得團團轉，想搵個人落單都有啲難度，唔怪得知連薑片都同醬油及牙籤一樣玩自助式。飲品餐牌共有四頁之多。嘻嘻，雖然太陽未升到頭頂，但XO仔已慣性地點咗杯生啤。三張散頁餐牌中，其中一張為渋谷分店嘅限定菜式。另外兩頁為節令蠔王嘅三種食法。厚本餐牌共有十五頁，有齊日、英、中三個語言，大多項目亦印有彩圖，非常易明。冬物語（3,024円）：哥哥教落，因推廣品嘅流量高，其新鮮度亦應相對地高，所以就點咗個聖誕套餐四個人分。色彩繽紛嘅壽司拼盤同海報上嗰幅相可以話係一模一樣，有齊拖羅、白子、海膽、蝦、蟹等。壽司外表震撼，不過食落就覺得質素遙不可及之前喺銀座分店食過嘅咁正囉。跟餐嘅麵豉湯、沙律、燉蛋亦屬正常普通貨。中卜口刺身（2,000円）：姨媽話中拖羅刺身雖則色澤紅潤，肉質軟滑，可惜食落太多筋，不吃也吧。牡丹蝦壽司（400円/件）＋車海老壽司（600円/件）：唔知係咪師傅有意俾個機會大家比較一下呢，兩款蝦壽司拼埋一齊上。相中上方晶瑩透光嘅為活車海老壽司，而下方連翠綠色蝦籽嘅則為牡丹蝦壽司，兩者均厚潤爽脆，鮮甜無比。極上大卜口壽司（500円/件）、北寄貝壽司（500円/件）、赤貝壽司（500円/件）、火灸吞拿魚壽司（200円/件）、帶子壽司（500円/件）、鮑魚壽司（500円/件）、象拔蚌壽司（250円/件）：其餘散點嘅壽司一口氣以大大塊木板呈上。六款中以粉嫩嘅極上大卜口壽司最為肥美香潤，好食到姨媽姨丈要立即追加咁堅！赤貝壽司橙美爽甜，最抵就係軟嫩鮮濃嘅火灸吞拿魚壽司，反而最失敗係超硬且味道欠奉嘅鮑魚壽司。吞拿魚根串燒（250円/串）：吞拿魚根硬得黎食到成口油，完全唔掂！極魚王かきグラタン（600円/件）：藏於芝士下嘅巨蠔身肥飽滿，爽嫩滑溜，熱辣辣嘅芝士尤其滋味！烤魚鰭（700円/件）：大肥爸爸大讚烤魚鰭嘅魚肉幼滑鮮甜，魚皮則香脆惹味，700円絕對超值！人氣壽司專門店「梅丘寿司の美登利総本店」深受港人愛戴，XO仔只可以講渋谷分店環境較為狹窄，服務生雖並非不友善，只係感覺有點人手不足而已，壽司質量亦比唔上銀座分店嘅新鮮美味。
続けて読む
超級抵食嘅日本料理，尤愛蟹膏沙律，食左咁多次，坐過一次吧枱，廚師好熱情咁推介我地食個唔知咩蝦，不過上到黎，真係好甜，都係¥700一隻，食完個蝦身個侍應姐姐幫我地攞左個蝦頭去燒，別有一番風味，試過幾次因為太掛住佢啲壽司專登weekend飛過去食，不過要注意佢長期排隊，平均都要等兩個鐘
続けて読む
每次來都不會吃早餐，加上會一早來排隊，都只是希望可以排到第一輪籌。這裡的壽司與築地相比都一樣那麼新鮮，但價錢就比築地平宜，而且地段又方便。飯面上的刺身都有一定份量，食材新鮮，特別是這個蟹膏沙拉，真是非常鮮味。這價錢在本港連迴轉都吃不到吧！
続けて読む
提起日本，壽司應該是絕對不會被人忽略的美食吧? 雖然家人對於生魚片沒有很大的興趣，他們也是很願意陪我這個貪吃鬼是吃一頓壽司宴。在日本吃壽司，想嚐點有水準的都是貴得嚇人的餐廳，考慮到家人到那兒會有點尷尬，加上把旅費花在購物上會更加好 (不單是貪吃鬼也是購物狂...)，便想到這間價錢較便宜而且評語不錯的壽司店。我們六時多來到涉谷店，當時門口大約有十人在排隊。我們在門口大概等了三十分鐘，而且排在前面的時便都會有椅子提供，感覺沒有等太久就是了。新春限定 ¥2,625 進店時不難發現很多人都點了這客新春限定的壽司拚盤，在選擇困難症突然發作下點這個便最好了。點餐後不久便送上蟹膏味噌沙拉和茶碗蒸，蟹膏下面是一絲絲的蟹肉，每一口都是很鮮，第一次碰上它就愛上了。茶碗蒸十分滑溜，每一口放進口都好像馬上滑進去一樣，真的會讓人吃不停。 把壽司盤端到面前的時候，那件長長的鰻魚壽司首先飛進眼簾，亦是瞬間在我眼前消失，家人對它的評語還不錯。大拖羅的油脂更豐富，但個人則較愛拖羅本身的鮮味，青蔥吞拿魚為鮮味帶點蔥香亦算不錯。玉子燒甜香鬆軟，海膽軍艦壽司的海膽多的滿出來，而且入口瞬間溶化，海潮的香氣隨即擁上來。不過當中有數件壽司一夾即散，是當天最失望的地方。 穴キュウロール 海鰻青瓜卷 ¥315/4件愛吃鰻魚的妹妹後來又加點了一份卷物。 玉子にぎり ¥105/件 玉子壽司玉子壽司的玉子同樣是厚厚的，而且香甜鬆軟，多吃兩件也不會膩。ホタテの浜焼 ¥630帶子燒過之後和刺身的風味同樣令人回味，而且以這個價錢有那麼多帶子實在是太超值了!! 在這兒用餐時也聽到不少廣東話，而且侍應的英文對話也比一般餐廳的更流利，相信是遊客集中地的緣故吧? 要不是那幾件壽司飯，相信這頓飯會更滿足，而且「價廉物美」這名它也更加當之無愧了。
続けて読む
琛琳於第四日到訪美登利壽司, 當天行程比較緊迫, 到達時已經下午1時多, 本以為到了就可以醫肚, 怎料還要排一條大隊, 當時還真感覺特別鬱悶, 不過排了半個多小時, 就輪到我們了。
続けて読む