4
1
1
電話番号
03-3402-6797
紹介
六本木7丁目、路地裏にひっそり…いやいや元気に佇んでいる朝日食堂★
ランチ営業はB級グルメの路面スパゲティのお店として行列のお店。
ディナー営業は新鮮ホルモンや地鶏焼き、バラエティーにとんだ創作料理が人気のカジュアル大衆酒場‼︎
2つの顔をもつ六本木7丁目の隠れ家店！
続けて読む
営業時間
ランチ 11:30～14:00(L.O13:45。土日祝ランチ休み)
ディナー［月～日］18:00～23:30(ﾌｰﾄﾞL.O22:30 ﾄﾞﾘﾝｸ23:00)
無休
上記は参考情報です。詳細はレストランでご確認ください。
ポイント制度について
記得讀書時代成日睇日劇，男主角收工後總愛流連居酒屋一邊飲酒煲煙 ，一邊吹水聯誼。因為團友們黎過日本咁多次都未有一個入過一間居酒屋，小肥亦一即渴望感受一吓居酒屋 o 既氣氛，所以就特地叫班日藉朋友們推薦一間，等大家可以體驗一翻！ 大學同學仔所推介 o 既「朝日食堂」地點好隱蔽，當日我地雖然有日本地膽靚女姐姐帶路，但係都要喺條街度徘徊咗好耐先搵到間餐室。 居酒屋就有如日劇中所見，正門為趟門，店舖中央有個吧形開放式廚房，食客可圍繞廚房坐吧櫈，亦可以揀坐旁邊 o 既卡位散座，我地十個人就只可以坐正門旁 o 既一張大枱；座位全位高櫈，年長 o 既食客上座極有難度。食客主要係年輕 o 既一輩，所以行入黎都會不由自主地望一望我地枱中 o 既六、七旬長輩。 入到居酒屋，小肥就馬上同 鬍鬚哥哥以日語打招呼，並先指聲明講團友中只有細佬可用有限 o 既日語同佢溝通，所以好多時會需要佢多作說明，希望佢多多包含及諒解。鬍鬚哥哥非常客氣地話感激我可以唔洗佢用英語， 仲 話其實大家用手語及漢字加以配合應該唔會有太大問題， XO 仔即時放鬆咗好多！ 鬍鬚哥哥真係細心，比餐牌我地睇時不忘送上兩份英文版比大家參考，佢話如果大家第一次黎食，最好就係先揀選佢地用橙色螢光筆油咗嗰幾款食品，因全為店內最人氣之菜式，我地當然係聽取提議 ，先 叫各款人氣佳餚啦！ 是日推介之八爪魚刺身（ 480 日元）：生食八爪魚唔係好多人啱食，不過入口其實同魷魚刺身相近，爽脆滑溜，個人覺得八爪魚刺身比起熟咗o既八爪魚更為美味，每客只售480日元，認真超值！ 是日推介之油甘魚刺身（ 480 日元）：油甘魚鮮甜、肥美、魚油足，每客有四件，480日元，真係抵食到暈呀！ 是日推介之「炙りしめ鯖」，即火焰 Mesaba 刺身（ 480 日元）：即叫即切，鬍鬚哥哥負責喺食客面前即燒；睇住佢以熟練o既手藝邊燒邊加檸檬汁，我地食得真係好過隱！半生熟o既鯖魚肉質爽嫩，皮層香脆，魚味鮮甜，輕輕以檸檬汁點綴，效果非常清新！ 人氣推介之「チーズ豆腐」，芝士豆腐（ 480 日元）：起初大家對此味芝士豆腐不太感興趣，決定不如先叫一客，有人食過好食先加碼啦；哈，點知，食完一碟唔夠 喉 ，大家最後加咗兩客！芝士豆腐連麵包上，唔講真係唔係好食得出個碗醬係由芝士同豆腐攪拌而成，只係覺得用黎加上麵包面o既醬滑溜香甜，幾得意。 人氣推介之 Avocado Fry ，炸牛油果 （ 580 日元）：炸牛油果外層香脆，內層嫩滑，加上伴碟o既吞拿魚芥辣忌廉秘醬食落好野味。 茄子餃子 （ 580 日元）：所謂茄子餃子（Nasu Gyoza）原來係我地中國人o既「釀茄子」。據鬍鬚哥哥所講，佢地所煮製o既茄子餃子係先燒後炸，所以做出黎先能夠外皮同內餡都同樣香脆。 人氣推介之芝士春卷 （ 580 日元） ：春卷香脆，芝士味香滑濃郁，嘩，原來用芝士黎做炸春卷係咁好食架！ 人氣推介之 「地鶏焼き」，即燒地雞（ 1,480 日元）：地雞日語拼音為Jidori，朝日食堂所燒出黎o既地雞毫不肥膩，皮脆肉嫩，肉食者一定要試！ 我地其實嗰日仲食咗好多其他小碟，如生牛肉 、 枝豆 、雞翼、炸豆腐、炒雜菜等，不過因為我地喺香港都食得到，又唔係話超級特別，所以 XO 仔決定唔喺度續一介紹啦，如果大家有意試 「朝日食堂」，個人會推介以上食品，唔夠先叫其他菜式 。 「朝日食堂」居酒屋座位雖則唔算太過舒適，但氣氛好，服務佳，而且多款小食都好有特色，最緊要係食材新鮮質高，價錢又勁抵，團友們都食得好滿意！肥肥家族都好慶幸能夠以此初臨居酒屋 o 既新體驗為我地東京狂食之旅劃上完美 o 既句號，真係好多謝貴子同學咁好介紹！
続けて読む