動画
電話番号
03-3571-6050
受賞歴とアワード
ミシュランガイド 二つ星 (2016-2018),ミシュランガイド グリーンスター (2022),ミシュランガイド 三つ星 (2019-2025),
営業時間
本日
定休日
月曜
定休日
火曜 - 土曜
11:30 - 15:00
17:30 - 19:00
日曜
定休日
*不定休あり
上記は参考情報です。詳細はレストランでご確認ください。
関連記事
肥肥家族與法國餐廳「L'Osier」於2016年結緣，全因當時日籍靚女師姐推介為其願望餐廳之一，家人親嚐過星級午餐後亦迅即愛上！闊別兩年，原班人馬重返東京過聖誕節，大家都異口同聲地話要返去名店試埋個晚餐，Boxing Day真的可如願以償，饞嘴肥肚最幸福！節日嘅燈飾點綴下，西餐廳如酒店般壯麗嘅門面更顯有氣派，大門由身穿制服嘅靚仔哥哥把守，貴客必需按照服裝限制打扮絕對有理。請留意，規定說明身穿牛仔褲、短褲或波鞋者均不得內進，男仕們定必穿上西裝。門前嘅燈箱內展出日英對照嘅餐牌。步進大堂，即見中央掛於半空嘅大吊燈跨往下層，延伸至一棵肥嘟嘟嘅聖誕樹。店內簡單擺出聖誕擺設及藝術品，大方典雅且極具佳節氣氛。通往下層可選搭升降機，或行落螺旋梯。樓底高高嘅用餐層光線較為充裕，間隔開揚得黎每枱仍有好多私人空間，厚墊梳化及椅櫈寬闊舒適，閃爍耀眼嘅擺設唔會過多。連洗手間都一樣可用金碧輝煌黎形容，絕對唔講得笑！九人被安排入座兩張圓枱。官仔骨骨嘅服務生謙遜體貼，除咗言談間之外，每個動作都能反映出對用餐禮儀嘅講究及尊重。送上每道菜時，經理哥哥都會詳盡講解菜式嘅食材及烹調方法，而且有問必答，態度極之誠懇。最令人印象心刻就係每當貴客離座前往洗手間時，服務生都會第一時間換上全新嘅金線餐巾，衛生分爆哂燈呀！電話訂座時，XO仔已為各人點咗八道菜嘅試食套餐「Menu Degustation」（28,000円/位），並清楚說明廚師要留意嘅食物敏感事項。如相所示，餐牌均由大廚Olivier Chaignon先生親筆簽署，以表其誠意。既然菜單早已訂好，埋位就由團長揀選粉紅色香檳「Billecart Salmon Rosé Brut NV」（JPY 18,000/btl）襯托一吓聖誕佳餚。晚餐由外觀猶如花瓶般精緻嘅法式小點心「Canapés」揭開序幕。家人都驚嘆弧形嘅透明玻璃盤及盤上嘅四款小點一樣咁富藝術感！小點心均輕盈健康，可直接用手食，建議可由九點鐘方位開始打橫向右食，最後先逆時鐘方向上埋個十二點位，順序亦即微甜鬆化嘅棗蓉竹炭脆片、軟腍脆皮嘅茄子蓉撻、芳香厚潤嘅香草忌廉三文魚件、香濃柔滑嘅奶酪芝士伴黑松露。哥哥大讚麵包每款都咁鬆，伴配聖誕樹形嘅牛油塔既可愛又能提升佳節氛圍。原本家人都估頂級貨為廚房出品，細問下方才得悉店子嘅麵包均由區內名店「Maison Kayser」每天新鮮焗製，果然來頭不少！Amuse-Bouche：開胃小食為廚房每天即興之創作，當日嘅南瓜雪糕混入白蘿蔔精華，純樸清甜，以雅枝竹啫喱墊底即巧妙地加咗份濕潤，頂面再以芬芳香脆嘅松露花及薯片點綴，配搭清麗脫俗得黎口感十分豐富。Ossetra Caviar - Shellfishes Tartare, Light Fennel Cream Mousse with Lime Jelly/Lemongrass Leaves, Potato "Inkanomezame" Blinis：單憑相片未必睇得到，貝殼形玻璃碟子上其實最底層為晶瑩透光嘅雜錦貝類他他拌青檸啫喱，師傅喺面以黑色嘅魚子醬、奶白色嘅茴香忌廉慕絲及翠綠色嘅香茅小葉砌出形於盆栽嘅一幅美食圖，眼前頓即亮起一種大自然清新嘅氣息。雜錦貝類他他拌青檸啫喱清涼爽嫩，撈入盆栽拼圖上嘅魚子醬及茴香忌廉，效果更覺鮮濃柔滑，將食材塗上碟邊嘅迷你薯仔鬆餅上即變成一口一件嘅DIY小點心般，多元化嘅食法彷彿在提醒貴客飲食嘅趣味，設計者甚有心思。每道熱食均連蓋呈上，並由幾位服務生同一時間為全席人揭開，感覺猶如置身於皇室宴會中，相當隆重。Blue Lobster/Black Truffle - Spelt Wheat Risotto with Aromatic Vegetables & Truffle Sauce：意粉環節再一次遇上黑松露，濕濕地嘅意大利飯底腍潤中帶有嚼勁，龍蝦肉亦鮮美爽脆，只係長輩們都覺得藍龍蝦配意大利飯依個組合有點兒太過穩陣，失色在於欠缺咗一份驚喜或刺激感。Kue - Low-Temperature Cooking, Cauliflower with Seaweed Sea Urchin Broth：經理哥哥介紹法國大餐嘅魚魚係師傅精挑細選嘅「Kue」（網上翻譯為「泥斑」），屬當地出名難捉嘅石斑，尤其罕見所以矜貴。上枱後由專人續一於斑塊淋上熱辣辣嘅海膽秘汁。配角橙亮嘅海膽鮮甜香濃，翠綠嘅椰菜花蓉則脆潤易入口，白雪雪嘅魚肉以低溫煮出，厚身得黎卻極之軟滑，黏上海膽秘汁成功增強靚魚嘅鮮味，實有畫龍點睛之效。紅肉主菜上場前先換上更鋒利嘅刀具；女仕用白刀，男仕用黑刀。Roasted Duck from "Challans" - Roasted with Spices, Leg's "Confit" with Orange "Bigarade" Sauce, Turnip/Truffle, Caramelized Apple with Chinese Quince Vinegar & Green Cardamon Salmis Sauce：烤鴨主菜嘅醬汁同魚魚一樣係即場於食客面前斟上。兩件不同部位嘅烤鴨烹調方法及生熟度都有所不同，碟盤中央嘅鴨胸粉嫩紅潤，看似零脂肪嘅肉質軟腍且肉汁豐腴，傳出清幽嘅橙香迅即令精神為之一振；右上方嘅一小件油封鴨腿皮脆味濃，加配酸酸甜甜、腍中帶爽嘅焦糖蘋果一齊食落口即可減低膩感，簡單精妙！法國餐普遍都會以芝士隔開主菜及甜品項目，「L'Osier」嘅芝士車相信亦迷到不少芝士迷，只係遇上口味唔重嘅XO仔就有少少嘥料。幸好間場仲有多一項「Kumquat Sorbet」！鮮紅艷麗嘅金橘雪葩有紅桑子及紅石榴啫喱墊底，軟潤清爽，消滯嘅同時可洗滌淨化一下味蕾，雙贏呀！「Les Petits Fours」每人一份，四款甜品小點均擺放在透明嘅長形靚碟上，感覺同晚餐第一道法式小點心嘅擺盤相似得黎又有個對比，即咸對甜及圓對方。相中左起為軟彈濃甜嘅芒果啫喱、酸甜酥脆嘅紅桑子蛋白球、香醇甜脆嘅金箔朱古力杯、香軟帶脆嘅迷你焦糖梨撻。不得不提嘅就係拼盤旁放置咗一碗清水，方便賓客於食用甜點前作洗手之用，衛生周到得很。聖誕晚餐正常版嘅甜品為經典之選蒙布朗「Mont Blanc」，小弟因對果仁敏感，廚房已另作安排，不過眼見師傅為栗子雪山改編出別出心裁嘅新潮面貌，自己都不禁影咗幅靚相。嘻嘻，XO仔獨享嘅「Around the Citrus」都唔遜色架，魚形嘅碗中由幾款柑橘類水果砌出橙黃閃爍嘅果盤，灌入果汁後即浮現出柑橘小島，玩味十足！柑橘果肉部份清甜，有幾件帶酸，伴配甜脆嘅蛋白小餅令口感及味道有層次得黎非常和諧，實在難得！但甜品個高潮位係另上嘅香橙忌廉脆卷！金黃亮麗嘅忌廉卷修長吸睛，一拎起即發現餐碟嘅設計原來好似煙灰缸咁兩邊都有個凹位，卷物啱啱好弗到遢遢陷。手持卷卷已飄來陣陣果香，第一口咬落去連右旁嘅媽咪都聽到巧薄鬆脆嘅卷皮如何卜卜脆，卷心柔滑嘅香橙忌廉溶於舌上，甜美嘅橙香洋溢口腔，這個外剛內柔細膩得太完美了！法式聖誕大餐以精美嘅甜點車「Sweet Delicacy Trolley」作結，琳瑯滿目嘅糖果、餅乾、朱古力等任君選擇。靚仔哥哥耐心地續一推介，而且好衛生地為每位客人分碟上。嗜甜嘅小肥好捧場地試咗五款，甜點各具特色，可口討好。伴配一杯特濃咖啡，不用加糖以令腸胃舒暢得很。「L'Osier」為名化妝品牌「資生堂」於東京銀座創立之法國餐廳，法文店名取自銀座區嘅標誌「柳樹」。西餐店富麗堂皇，服務生衣觀整齊，有禮好客，菜式用材高質，且顏值高，星級八道菜聖誕大餐豐富味佳，女仕們仲有個手袋仔紀念品，Boxing Day有聖誕禮物收倍添節日歡樂及難忘，即使有服裝限制都絕對值得一試再試！
続けて読む
今天来到了银座老牌法国餐厅 L'osier，感受到了天才洋溢的法国厨师Olivier Chaignon的功架。整体菜与菜之间的搭配简直是天衣无缝。无论味道，颜色和用料都无可挑剔。最喜欢这里的3道菜，松露酱鸽子胸简直是一绝，配合了鸽肝和鹅肝一起酿的饺子让我对这种半野味的法国料理有了崭新得体会。另外不得不提的是红酒汁炖和牛脸颊，肉已经炖的非常柔软，入口即溶！另外甜点有伪松露，一个以黑松露为模型的甜点，里面是松露雪糕和巧克力摩丝，不爱吃甜点的我也忍不住全部消灭掉。这顿其实属于比较传统的法餐了，味道上很有惊喜。两星的评价实至名归，此刻我长叹为何香港没有这种水准的餐厅呢？是租金导致用料质量下降还是有什么别的原因？同等价格在香港无法尝到同等水准的法国菜，让我万分苦恼。
続けて読む