1
0
0
営業時間
月曜 - 日曜
11:00 - 22:00
上記は参考情報です。詳細はレストランでご確認ください。
黎到日本，除左買野就係食野，壽司、拉麵、燒肉、天婦羅、炸牛/豬排.....咩要試哂，可惜撞正新年，好多食店唔開，好睇東京商場大部分食店都開，但一定係大眾化口味囉😞東京小田急百貨公司就有幾層食店比你揀，本來想食鰻魚飯，但係平平地都成4千幾5千円，貴左小小姐。見到有間炸豬排飯有人排，仲要係日本人，遊客心態發作：應該唔差，平均千幾円，試下啦。我地大概夜晚6點左右開始等，唔係等左好耐，15分鐘就入得。因為和幸係12樓，相面其他百貨公司算高，所以係有小小境睇下，不過叫野食先啦⋯⋯其實都好多選擇，普通炸豬排定食、連炸蝦都有，我地都諗左一陣，店員見我地未選好，主動過黎問要唔要英文menu，我地堅持睇日文menu....嘅圖，睇睇下見到桃豬，香港就小見，仲要限定，試！另外仲有好多新煮法，芝士、紫蘇梅.......梅又好似幾正，就食呢個。落完order要等等，枱上面有幾樽野。呢個係梅汁，倒落沙律菜度食，好香，聞落一D都唔酸，一陣要試。睇個樣就知係豬排汁喇，好濃郁咁。首先比個桃豚定食，右上角生椰菜、右下麵豉湯，左上有茶同旁邊嘅黑胡椒粉、左中係醃菜。生棷菜好甜，加左梅汁之後，帶小小梅酸味，又醒胃唔過酸，唔掩蓋棷菜味，愈食愈想食，好味呀醃菜係青瓜蘿蔔，個味小小咸又爽口，開胃。順帶一提，左上角個杯，好似香港某間日本料理。一啖咬落個桃豚，脆！個味.....唔係豬，係成個吉列牛嘅味，好正！豚肉係似牛味咁鮮，一D豬酥味都無呀！好好食我地仲試哂埋豬排汁、黑胡椒、檸檬汁，就咁食係最正到紫蘇梅，未食已經傳來一陣梅味，口水都想流，聞到酸酸地嘅味，好開胃呀！咬第一啖酸呀⋯⋯D梅蓉好正，一陣梅酸後再帶紫蘇香，最後係豚肉濃厚多汁感，好似香水，前中後調。不論賣相、食感、味道大滿足。食到咁上下先記得個麵豉湯，一打開，個陣麵豉味湧出黎，再攪一攪手，有蜆肉，飲一啖，嘩好鮮呀！之後大啖飲盡。連D蜆肉麵食哂！睇相就表示食哂，其實D飯都好食，煙韌，不過太飽。整體黎講，好食唔會失望，又唔貴，新宿商場方便，店內環境寛躺，唔嘈，真心推介炸豬排飯必食。
続けて読む