新宿娛樂 💪 一路食飯一路睇現場摔角你試過未?!
2019-07-12

Restaurant アントニオ猪木酒場

無論你係咪身高1米91 嘅前日本摔角選手兼啱啱退咗休嘅政治家猪木 安東尼亞嘅粉絲,你都會喺呢間為佢而設嘅居酒屋度享受前所未有嘅用餐體驗。呢間地下居酒屋離新宿站只係一分鐘距離。一見到出面有個大大嘅猪木牌,就會見到前面有位著住啦啦隊衫嘅女侍應邀請你落樓梯前往餐廳。




懷舊氣氛


一行入去呢間居酒屋就彷彿時光倒流嘅感覺:地磚黑白色一格格、銀色嘅圓枱下面有紅色同黑色嘅圓櫈。隔離仲有個真人咁大嘅猪木同埋好多珍貴嘅相,記念佢風光嘅摔角生涯。




但係咁都未夠!最搶眼嘅位係喺餐廳嘅正中心有個正方形嘅摔角場。 每個月嘅第二個星期二夜晚都會有現場摔角比賽。拿拿拿!咪話我唔提你呀:通常喺呢一日間餐廳都會爆晒,所以如果想坐得舒舒服服咁睇比賽嘅話,記得預早訂位!


超重量級嘅嘢食

安東尼亞 猪木酒場嘅菜單七彩繽紛,又有好多望落去好得意嘅嘢食,未食之前已經興奮呀! 


唔試過「Shaka Shaka 123 Salada」又點算嚟過安東尼亞 猪木酒場?你嘅侍應會為你帶來一筒沙律,然後邀請你同其他客人跟佢叫個口號,之後倒筒沙律喺隻大碟度。真係淨係見到都開心!




呢間餐廳有好多嘢都係獨家專有,例如接近世界紀錄,長達60厘米嘅香腸、大大舊鎮店之寶Antonio Rib 排骨、同埋高達33厘米嘅洋蔥圈塔。


當然啦,呢間酒場嘅飲品同樣咁有創意。係呢度你可以嘗試用一條好長嘅管吸點滴飲。呢包點滴有西瓜味嘅紅色同埋桃味乳酪嘅白色俾你揀。




最過癮嘅甜品莫過於重達 1 公斤嘅棉花糖布甸。建議起碼3至4人分享食。


每日八點嘅包剪揼大賽! 


每晚八點,幾位女侍應會喺摔角場嘅前面一路唱歌一路跳舞。如果你有興趣嘅話可以幫手搖鈴鼓搞氣氛。跳完舞之後,全場嘅食客都會參加包剪揼大賽。勝出嘅參賽者將會獲得豐富猪木 安東尼亞嘅獎品,又或者可以戴住猪木 安東尼亞戴過嘅腰帶影番幅紀念照。

 




Restaurant 椿屋
喺猪木 安東尼亞酒場真係好簡單就可以玩成晚,但係如果你想放鬆心情靜一靜嘅話,不妨行過啲去到優雅嘅椿屋咖啡室。呢間由70年代開始營業嘅咖啡室不單止洋溢住大正時代嘅懷舊氣氛,仲有採用丹麥製、高貴嘅皇室哥本哈根瓷器。更加懷舊嘅係侍應們全部都會着住女傭制服,但係呢度嘅高貴女傭制服就唔係幾同喺秋葉原受一眾宅男歡迎嘅女傭制服啦!






View this post on Instagram

A post shared by Amy (@amy_ikaka) on



你亦可能鍾意


Restaurant The Lockup - 當你一踏入呢間監獄餐廳,你已經即刻被逮捕!每一枱食客都會分別有自己嘅監倉,而餐廳會每晚上演三場黑擝擝、勁恐怖嘅Blackout show。 想去官方網站請按這裡!







View this post on Instagram

A post shared by samy (@samy.hanny) on


Restaurant 忍者新宿 -
喺呢間忍者主題居酒屋入面,你可以一路食嘢一路睇型爆嘅魔術表演。如果你事前預訂嘅話,更加可以試著忍者服裝。想去官方網站請按這裡!






View this post on Instagram

A post shared by NINJA WORLD (@ninja_restaurant_and_bar) on


Restaurant 愛麗絲的魔法之國餐廳 - 一聽個名都知係以愛麗絲夢遊仙境為題嘅餐廳啦。日本全國一共有七間分店,而每間分店都以愛麗絲喺仙境入面去過嘅唔同地方為主題。新宿呢間分店就係講愛麗絲喺書入面嘅仙境。 想去官方網站請按這裡!

OpenRice JP Editor
Provide the latest food trends and news in Japan.
店舗情報
さらに表示
元に戻す
月間チャート
東京ランドマーク:ディズニーシー
2019-08-22