喺涉谷釣乜食乜,再任玩VR!🤩
2019-08-01

除咗全世界最忙碌嘅十字路口之外,其實涉谷有好多嘢玩。喺呢個東京最繁忙嘅區域裡面,有好多超有創意嘅餐廳、舖頭、卡啦OK、同埋不為人知嘅地方。我哋當然知道去慣東京你嘅會想搵啲非凡嘅用餐體驗,所以今次等我地帶你去出名比客人自釣自足嘅Zauo 同埋食完飯可以去嘅VR Park啦

釣乜食乜!

Restaurant Zauo 

Zauo喺東京有幾間分店,而涉谷分店就喺離涉谷站六分鐘嘅位置,非常方便。一入到舖頭就會見到兩個大大嘅魚缸同埋太鼓。成間餐廳嘅氣氛非常朝氣勃勃;客人釣魚釣得興奮,而侍應們都好識do 咁為成功釣到魚嘅客人敲打太鼓。




Zauo 有個四千円嘅套餐比你揀,亦可以比你分開咁買飛釣魚。但其實最簡單嘅方法就係直接攞魚干嘗試你嘅運氣!呢度有好多嘢比你釣,例如有海鯛、比目魚、龍蝦、鯖魚、鮑魚、海螺同埋明蝦。

當你成功釣到魚嘅時候,請話比你旁邊嘅侍應聽。佢哋不單止會勁打太鼓恭喜你釣到魚,仲會問你想廚房點煮條魚。條條魚嘅煮法都唔同,但你多數可以整刺身、壽司、煲飯、天婦羅、又或者可以燒、焗、同埋炸你嘅收穫。


 

最後食剩嘅魚頭同埋骨唔好徙咗佢!只要同侍應講,佢哋就會幫你用呢啲食剩嘅部份整味噌湯或者炸脆骨片。用魚頭煲嘅味噌湯會前所未有咁甜-咁係嘅,自己釣嘅魚整出來嘅嘢食當然係最好食架喇! 



溫馨提示:喺Zauo釣魚係好過癮,但請因住自己嘅食量去釣魚,免得釣得太多,食唔晒所有嘢!

食完飯去玩VR


由Zauo行三分鐘到就會去到涉谷最受歡迎嘅打機地方。呢棟大廈嘅最下面三層都係通常會喺機舖搵到嘅遊戲,包括夾公仔機、太鼓達人、賽車等等嘅遊戲。但係上到四樓就會去到超新奇、比遊客任玩兩個鐘嘅VR Park。



呢個VR Park總共有八個唔同遊戲,一個人去玩有得,四個人去玩又得。有啲遊戲係冇咁驚嘅,例如打怪獸、玩過山車同埋揸林寶堅尼。但係比較刺激嘅遊戲就會帶你去到離地74米嘅大廈上面行wire、喺森林度玩笨豬跳、又或者帶你去有外星人侵襲嘅樹林裏面。



呢個VR Park超級受情侶、一家大細、朋友同埋公司聯誼會歡迎。去之前最好上網買定飛,確保簡易地入到場。你張飛仲會包埋任飲汽水嘅服務,等你唔會玩到口乾呀!

記住要慢慢玩,因為有啲遊戲係會令你暈暈地的!

機械人咖啡店

Restaurant Henn na Cafe

如果你想喺釣魚同埋VR 之間抖一抖嘅話,不妨去附近嘅MODI 地牢見一見機械人咖啡師湯姆。



呢間超high tech 嘅咖啡店完全唔需要同人溝通,由買飛到叫嘢飲都係由機械人一手包辦。






OpenRice JP Editor
Provide the latest food trends and news in Japan.
店舗情報
月間チャート
東京ランドマーク:ディズニーシー
2019-08-22