任食甜品... 都不特止!
2019-06-26

日本出名有好多甜嘢同得意嘢,但係好少地方比你狂食甜品!今次等我地帶你去位於因可麗餅、彩虹棉花糖同埋家樂B 薯片而超有人氣嘅原宿,探訪傳奇嘅Sweets Paradise啦!

一千円就可以任食甜品!


Sweets Paradise嘅套餐一共有三款:基本套餐 (50分鐘 ¥1,080) 只係包你任食蛋糕甜品、標準套餐 (70 分鐘 ¥1,300) 就有得俾你任飲自家製嘅果茶同埋果汁、仲有咖喱飯、沙律、意大利粉比你揀!而最頂級嘅套餐 (80 分鐘 ¥1,500) 就有得任飲任食所有嘢,兼可以任食Haagen Dazs 雪糕!



無論你揀邊個餐,一行入去個舖頭度都應該會感歎喺你眼前包羅萬有嘅甜品種類!單單講蛋糕已經有40幾款,而最受歡迎嘅包括有士多啤梨, 紅梅,同埋朱古力味嘅蛋糕。呢度嘅蛋糕全部都非常有口感,擺設得好靚。



接住落嚟有布甸同埋慕絲。焦糖布甸同埋朱古力慕絲呢啲必食就不在話下啦,但係呢度嘅得意之處係有好多topping 比你揀。乳酪、椰果、咖啡啫喱、芒果啫喱、湯丸... 想要咩配料就有咩配料!



食得甜品又點可以唔食雪糕呢。冇買有得食Haagen Dazs 嘅朋友唔洗失望,因為普通嘅套餐都有雲呢拿同埋朱古力味嘅軟雪糕食架。雖然Haagen Dazs嗰個套餐係貴啲,但係係抵食的,因為你可以不斷試新奇口味,例如:黑芝麻、藍莓芝士蛋糕、蕃薯、北海道南瓜同埋榛子味等等。



除咗甜品之外...


其實Sweets Paradise唔單止係一個平靚正嘅甜品熱點,佢仲可以係一個幾好嘅食晏地方,因為佢哋仲有提供咖喱飯、意大利粉、湯、同埋沙律比標準套餐以上嘅顧客食用。好玩之處在於你可以自由配搭意大利粉嘅汁, 分別有明太子忌廉汁、肉汁、番茄汁、香蒜辣椒汁同埋拿破崙汁。



如果你係諗住去Sweets Paradise食埋晏嘅話記住要睇住時間,因為又要食鹹嘢,又要食甜嘢其實唔係好多時間架咋!


咪話我唔提你

如果堂食都仲未食夠甜品,不妨攞番包爆谷走!唔鍾意爆谷嘅話,隔離仲有shake shake炸薯條比你揀。



Sweets Paradise 係一個超級受鍾意食甜嘢嘅人歡迎,所以幾乎成日都會排長龍。唔想對住櫥窗裏面嘅仿製食物流口水嘅話,最好就係預約入座。



當到你入座嘅時候,職員會叫你用佢哋嘅機器買飛。小心啲賣喎,因為同一個餐有分大人飛同小童飛架。而三歲以下嘅小朋友係免費入場的,所以一家大細都入得,幾好!

Sweets Paradise 喺日本全國各地都有分店!
東京分店
大阪分店
京都分店

你亦可能鍾意:


RestaurantShibuya Dagashi Bar

鐘意懷舊零食嘅你不妨入一入呢間舖頭,食番個昭和時代嘅零食放題! 單單 ¥500 就可以食到日本小朋友一定食過嘅零食,例如有朱古力煙仔、魷魚絲、同埋爆炸糖等等。






View this post on Instagram

A post shared by Rie (@r.o0131) on

呢間高級甜品放題更加比你品嚐到烤牛肉、西多、同埋馬卡龍等等嘅比較貴架嘅嘢食。下次你去東京晴天塔嘅時候不妨嚟呢度食番餐!





View this post on Instagram

A post shared by eriiiiiiii (@eri.7890) on


Restaurant Bittersweets Buffet
充滿自家製嘅甜品放題。如果你去果度食晏嘅話,更可以品嘗到佢哋嘅漢堡包、沙律、意粉同埋牛扒。最得意嘅係你仲可以設計獨一無二嘅芭菲。





View this post on Instagram

A post shared by ビタースイーツビュッフェ (@bitter_sweets_buffet) on

キーワード
原宿
Sweets Paradise
OpenRice JP Editor
Provide the latest food trends and news in Japan.
店舗情報
さらに表示
元に戻す
月間チャート
OpenRice JPエディターイチオシ!コスパ最強焼肉5選
2019-10-08
東京ランドマーク:実物大ガンダムでお馴染み!ダイバーシティ東京
2019-09-23
スタイリッシュな女性たちが集まるショップやカフェ
6日前