たいやき 神田達磨 上野店

鯛魚燒抵食又好味😋，係唔少人嘅至愛，去日本旅行都會賣嚟食。唔講你又知唔知呢🧐～日本唔同地方都會有鯛魚燒店，但每一間鯛魚燒店其實用料上或其他方面都會有所唔同，製造出嗰間店舖嘅獨特鯛魚燒。妹豬仔呢次喺上野就幫襯咗呢間以「羽根付鯛魚燒」聞名嘅鯛魚燒連鎖店🤤。

.
🔸[羽根付鯛魚燒 吉士味] (¥200)

羽根付鯛魚燒

呢間嘅鯛魚燒出名在於有[羽根]🧐！其實即係保留咗整鯛魚燒嗰陣側邊燒得薄脆嘅外皮。鯛魚燒係即點即整，所以攞上手嗰陣係熱辣辣嘅👍🏻～

羽根付鯛魚燒

嗰啲薄薄嘅外皮好香脆，而內裡嘅餡料十分充足，味道唔錯🤗！

羽根付鯛魚燒

妹豬仔食嘅係吉士味，另外仲有紅豆味(¥180)可以選擇。