俺の創作らぁめん 極や 上野広小路店

営業中

現在閉店

呢間之前都share過，特登帶朋友黎試蝦拉麵😎～日本人可能唔興2點幾先食lunch，去到都無咩人～門口喺點餐機到禁完，將飛仔俾店員就可以等食🔅海老ポタ全部のせらぁめん (1,350円)升級足料版蝦拉麵，叉燒同筍都多啲，200円都抵加🤭。蝦味好香濃，記得要撈勻面頭既蝦油先食得出精華🤤～麵質爽口，配埋蔥絲食口感又豐富啲又唔會食到膩🔅特製海老ポタらぁめん (1,150円)🔅大粒焼餃子 (380円)典型日式煎餃皮薄又juicy，必叫！💬又平又抵食既足料濃湯蝦拉麵已經被我列入東京必到之一😳，有更好食既蝦拉麵店不妨一齊交流😍

呢次住上野站，附近好多野食🤤，無新宿咁多人，車站都易行啲😂(想當年經常喺新宿車站迷路)。上次同事大推呢間蝦拉麵，呢次住咁近梗係要黎試下有幾好食😝。🔅特製海老ポタらぁめん (1,080円)不愧係蝦濃湯拉麵😍！湯頭蝦味超濃郁，唔太鹹，夠重口啱晒我😋。麵條唔算幼，有咬口，再掛湯少少就好🥺。個碗好有質感好有重量😂，應該保溫保得勁啲？叉燒肥瘦剛好，灸燒得幾香，加埋一隻半熟蛋同筍好豐富！🔅大粒焼餃子 (380円)餃子就正常日式煎餃，但偏大隻。淨係拉麵有啲dry，加埋餃子啱啱好。💬見好多人都係推薦蝦濃湯，真係幾好味💮，價錢都合理～鍾意重口味既朋友仔可以黎試✨。