動画
レビュー全文表示
2023-11-02
26 アクセス
原本訂咗飛朝早坐郵船賞櫻花，無奈因日本氣象廳預測風勢強勁，船公司最終基於安全理由決定取消行程。預先做定功課嘅XO仔當然係有B計劃啦，傍晚時份專登一訪中目黑間星巴克旗艦店「Starbucks Reserve Roastery Tokyo」，由車站行經目黑川櫻花道剛好順路觀賞夜櫻，有街燈照住啲花花，別有另一番風味。離遠睇，四層高嘅豪華版咖啡連鎖店彷如一座教堂。玻璃外牆透出室內金銅色嘅光彩，時尚得黎好有氣派。樓底高高嘅空間裝修成一個巨型咖啡豆烘焙器般，以多條管道貫穿樓層及接駁不同區域，到處洋溢著咖啡嘅香氣，感覺就好似一個咖啡遊樂場咁。從天花吊落黎閃閃發光嘅櫻花花瓣勁配合鄰近嘅目黑川櫻花道，增添不少浪漫氣息，倍添詩意！東京星巴克嘅旗艦旅程每層都有個獨特主題，第一層當然係由主打烘焙咖啡玩起。第二層為以茶作題嘅「Teavana」。精品店內梗係唔少得限定產品啦！打卡位中最受歡迎應該係樓梯口幅極具立體感嘅茶杯牆。嘻嘻，吸引到酒鬼門留下腳步嘅則為第三層嘅「Arriviamo Bar」，不過由於座位不多，貴客們搶位時都幾唔客氣架，連面對著傷殘人仕都冇人讓座。彩底餐牌日英對照，列出特式咖啡、節令飲品及雞尾酒
離遠睇，四層高嘅豪華版咖啡連鎖店彷如一座教堂。
玻璃外牆透出室內金銅色嘅光彩，時尚得黎好有氣派。
樓底高高嘅空間裝修成一個巨型咖啡豆烘焙器般，以多條管道貫穿樓層及接駁不同區域，到處洋溢著咖啡嘅香氣，感覺就好似一個咖啡遊樂場咁。
從天花吊落黎閃閃發光嘅櫻花花瓣勁配合鄰近嘅目黑川櫻花道，增添不少浪漫氣息，倍添詩意！
東京星巴克嘅旗艦旅程每層都有個獨特主題，第一層當然係由主打烘焙咖啡玩起。
第二層為以茶作題嘅「Teavana」。
精品店內梗係唔少得限定產品啦！
打卡位中最受歡迎應該係樓梯口幅極具立體感嘅茶杯牆。
嘻嘻，吸引到酒鬼門留下腳步嘅則為第三層嘅「Arriviamo Bar」，不過由於座位不多，貴客們搶位時都幾唔客氣架，連面對著傷殘人仕都冇人讓座。
彩底餐牌日英對照，列出特式咖啡、節令飲品及雞尾酒。
眼見雞尾酒平均都要成1,600円一杯，而3,300円一客嘅「Starbucks Reserve Espresso Martini Flight」有三杯喎，咁咪即係買二送一咁滯，唔洗諗一定要點啦！星巴克品牌三杯口味不一嘅Espresso Martini內Vodka含量不高，唔講真係未必飲得出有酒味，但就勝在最突出嘅咖啡香及混配組合！由右邊飲起會先覺得「Age of Exploration」帶出陣陣咸味，中間杯「Gift from the Sun」嘅果酸橙香尤其清新醒神，最左方濃甜嘅朱古力味Espresso Martini「Signature」就好似雞尾酒旅程嘅甜品一環，十分完滿。
Starbucks Reserve Espresso Martini Flight
¥3300
33 アクセス
1 お気に入り
0 コメント
投稿
