レビュー全文表示
2017-09-25
142 アクセス
賴生同屈小姐平安落機，同時早左去到酒店check in放低行李，見時候尚早，心齋橋既舖頭都尚未營業，賴生就決定帶屈小姐去左佢想追加既行程 - 大阪城先，就咁樣，賴生就拖住屈小姐由心齋橋漫步去到大阪城。一路上，感受下日本平日寧靜既橫街窄巷，觀察下平日日本人既生活步伐，體驗下當地既文化，又同屈小姐研究下行程，係風光明媚既地方影下相，順便細味一下我地既愛情，縱然雙腿會有點勞累，但幸福卻是一點一滴地積聚之但係，Gram既招牌三層鬆餅係有限額同限時開賣既，一日三次，每次20份，分別係1100，1500，1800時，想食就最好預早30分鐘到，所以賴生同屈小姐既Target time係1030要到達。由於我地都唔熟路，總會有點波折，好彩最後都可以食到，達陣時間係1032分大家望到呢間玻璃溫室就係啦！至於點解叫溫室？容後分解！另外，日本真係好好，佢一早預算有人會排隊，所以預備定拉帶同櫈比人坐當然賴生梗係有懷疑點解會冇人排，所以就入左去問啦，日本既服務真係好，因為舖頭冇乜人用餐，佢地直接安排客人入座等，只係講到明，個限定鬆餅要11點先會開始整點解會佢叫溫室？因為佢用玻璃屋設計，室內仲擺設好多人造草，人造
之但係，Gram既招牌三層鬆餅係有限額同限時開賣既，一日三次，每次20份，分別係1100，1500，1800時，想食就最好預早30分鐘到，所以賴生同屈小姐既Target time係1030要到達。由於我地都唔熟路，總會有點波折，好彩最後都可以食到，達陣時間係1032分
大家望到呢間玻璃溫室就係啦！至於點解叫溫室？容後分解！
另外，日本真係好好，佢一早預算有人會排隊，所以預備定拉帶同櫈比人坐
當然賴生梗係有懷疑點解會冇人排，所以就入左去問啦，日本既服務真係好，因為舖頭冇乜人用餐，佢地直接安排客人入座等，只係講到明，個限定鬆餅要11點先會開始整
點解會佢叫溫室？因為佢用玻璃屋設計，室內仲擺設好多人造草，人造花同人造樹，枱櫈都係綠色同木色爲主，成個大自然Feel，人造溫室咁而且樓底高，坐得好舒服嫁
更好既仲係⋯個侍應小姐比我地坐窗口個4人座呢
而我地今次係拎到第3名，好緊張既屈小姐見到個3字，心情即刻放鬆晒開心晒，完全投入等食野!
不過，日本文化係1人點1份餐，咁岩我地又未食一個proper既早餐，我地決定打開餐牌叫多份鹹食
經過一輪爭扎同商議之後，我地決定叫三文魚牛油果鬆餅。到落單果陣⋯個女侍應居然雙膝跪坐係度幫我地落單，令我地有點受寵若驚落完單之後，等到11點左右⋯就開始有得食啦
Gram招牌鬆餅
¥950
42 アクセス
0 お気に入り
0 コメント
1）Gram限定招牌鬆餅：5⭐️
3塊鬆餅都勁厚，目測超過4cm一塊！仲要彈下彈下嫁，可想而知有幾鬆軟！係3塊鬆餅上面仲放左舊牛油，側面仲有Cream同楓糖糖漿
一將個鬆餅放入口⋯Wa，係不得了既細膩綿密，近乎只係比Cream挺身少少，佢會係你個口由細滑蛋糕質感融化成Cream！千祈唔好諗住空氣黎唔飽，一個人食晒一定飽嫁
再者，面層放果舊牛油勁香，係鬆餅既熱力下慢慢融化，滲入鬆餅入面，令鬆餅加添左一份濃厚既牛油香。配埋側面同樣輕盈既Cream，味道唔太甜又有奶香，唔會搶左主角鬆餅既味道，只係輕輕加左奶香同牛奶既微甜，情況如泡泡一樣，同鬆餅一齊放入口一齊融，味道就Match埋一齊，再度昇華
最後，都唔可以忘記果杯楓糖糖漿，通常賴生同屈小姐會怕D糖漿太甜，搶Focus，但呢杯糖漿唔會，正正相反，同牛油&Cream一樣，只係令塊鬆餅更好味而存在！佢會令鬆餅添加楓糖既香氣同微微既楓糖甜，將三者融合，最終你就會試到一塊鬆軟細膩綿密，夾雜楓糖，牛油同牛奶香既鬆餅! 難怪佢會成為港人票選No.1好味既鬆餅!
牛油果三文魚鬆餅
¥1050
32 アクセス
0 お気に入り
0 コメント
2) 三文魚牛油果鬆餅:5⭐️
Gram既鹹食同樣出色，有3塊鬆餅同一份沙律，每塊鬆餅配一塊煙三文魚同一塊牛油果，夠晒食!!
鹹食既鬆餅明顯同招牌果隻唔同，扁好多，大約1 CM厚，佢既綿密程度當然冇招牌果款咁勁，取而代之既係鬆軟程度，鬆餅內層咬入去有好多粒粒狀既氣泡，由空間形成，所以食落係好鬆軟既蛋糕質感，而外層煎過有黏性及較為硬身，形成一層香氣撲鼻既外皮，配埋牛油果同煙三文魚食，超夾!! 佢既牛油果味道濃郁，而三文魚雖然冇Sarabeth咁重魚味，但都唔弱，所以夾埋牛油果食都唔會比牛油果遮到魚味，超正!
另外，份沙律都好好食，新鮮既蕃茄仔同沙律菜配上酸酸地既沙律汁，清爽又開胃!
最後，好慶幸可以帶到屈小姐黎食Gram，因為屈小姐食到好西果陣既笑容實在係太幸福啦!! 而且Gram的確實力超凡，難怪係日本愈開愈多，真心好好味! 值得去朝聖既!
#帶住緊張B去旅行
#漫遊的幸福
#四條小腿走遍天下
#朝聖
#打完又想再食過
#食好西幸福的笑容
#妳快樂所以我快樂
#不爭氣既肚子
#好在有你
投稿
