動画
電話番号
06-6452-7070
営業時間
本日
17:00 - 00:00
月曜 - 日曜
17:00 - 00:00
上記は参考情報です。詳細はレストランでご確認ください。
関連記事
大肥爸爸最怕外出用餐時要排隊等位，出門旅遊時亦不例外，故XO仔每次出發前都必先要熟讀旅遊書，並編排好飲食行程及訂好座位。皆因「Mの焼肉」喺多本刊物都有出現，當中主打o既松阪牛肉插圖又相當吸引，眼見本店離酒店唔遠，小肥唔洗多諗即以網上訂座，流程十分簡易。餐店合共兩層高，環境雖然較為暗黑，但感覺仍不失衛生企理。四人被安排入座二樓之半獨立式廂房，好夠私人空間。店員中仲有位香港留學生，全晚可以廣東話溝通，當真份外親切。埋位第一件事就係要叫酒飲！打開餐牌一睇，最少有十一頁都係賣緊「松阪牛」，迅即明白到店名「Mの焼肉」中o既「M」就係「松阪」（Matsuzaka）o既縮寫。餘下o既四頁則為其他燒肉、小食、蔬菜、飯麵、甜品等等。既然黎到松阪牛燒肉專門店用膳，肥肥家族就先點咗個包羅萬有o既四人用「特選松阪牛のぜいたく盛り6種」（27,600円），另加壽司及飯麵。話明係燒肉專門店喎，餐桌上當然係有齊備o既燒爐、圍裙、餐具、醬汁及調味啦！松阪牛赤身肉炙り寿司（480円/件）+ 松阪牛霜降り肉炙り寿司（580円/件）：餐店有兩款火炙松阪牛肉壽司，四人同屬牛魔王，故亦想即場試齊並作出比拼。平心而論，如果一次只係試一件，兩款獨立黎食都絕對肉香味佳。不過當同場加影時，如相所示，兩者色澤一鮮一暗，入口更覺赤身肉炙り寿司不及霜降り肉炙り寿司肥美軟潤，後者依100円真係抵加同抵俾架！特選松阪牛のぜいたく盛り6種（27,600円）：松阪牛肉拼盤上枱當真如餐牌上o既彩圖般鮮紅奪目，非常吸睛。拼盤上合共有六種松阪牛肉，每款形狀不一，但厚度就差唔多。個人覺得松阪牛肉大多燒至四五成熟，仍帶少少紅就最軟熟香潤，不過其中亦有幾件真係學哥哥話齋要熟多少少先更富肉香同多汁。總括黎講，松阪牛肉不同部位都一樣高質美味，點選拼盤可一次過品嚐多種款式，份量適中，個人誠意推介。塩タン（850円）：牛脷雖則超薄，但咬落勁爽脆柔潤，！Mの肉丼（980円）：丼物o既白飯底粒粒飽滿軟綿，只係舖面o既牛肉肥膩咗少少，加上份量唔算好大碗，細佬會情願散叫松阪牛肉自己燒，想食飯就另點白飯。すじラメン（680円）：拉麵個湯底清香熱辣且唔油膩，麵條亦煙韌彈牙，熟透o既松阪牛肉薄片又一啲都唔乾嚡，680円可謂超值！大阪名店「Mの焼肉」環境企理，格調輕鬆，私人空間足，有友善好客o既港籍妹妹仔招呼可謂親上加親！店子o既松阪牛肉高質味佳，而且價錢親民，性價比極高，下次再黎梅田區時XO仔一定會返轉頭！
続けて読む