動画
電話番号
06-4797-0551
営業時間
本日
10:00 - 21:30
月曜 - 日曜
10:00 - 21:30
上記は参考情報です。詳細はレストランでご確認ください。
同屈小姐去完奈良，坐JR番到黎大阪站，都差唔到7點左右啦~ ~ 但未係食Dinner，行左成日總有少少肚餓 係行緊去轉地下鐵御堂筋線既途中，我地見到條人龍係個地鐵站角落，旅行八掛症既我地當然去睇下係咩黎啦......原來係一間外賣中式點心食店 <<蓬萊>>!! 隔住條人龍，我地見到counter有好多中式既點心食品，好似有煎餃子、蒸包，燒賣同糖醋骨等等 一向都鍾意食燒賣既我地(雖然燒賣好肥，但好食ma...)，撞岩又有少少肚餓，當然自自然然走去跟住排隊啦!跟住條拉帶排隊果陣，屈小姐同賴生又進入會議模式，因為一陣番到去心齋橋就食飯，所以決定只係食少少，叫一樣野就算 我地揀左豬肉燒賣6粒。除左豬肉燒賣，佢仲提供海老(蝦)燒賣，係細粒dd，而且仲有好多唔同既combination，例如2個包+海老燒賣+豬肉燒賣 或者 豬肉燒賣拼海老燒賣，但呢D combination都好大份，通常都十幾廿粒起，所以我地揀左最basic同最細份既豬肉燒賣6粒1) 豬肉燒賣: 3.5⭐️咦!雖然同樣都係用豬肉做，但日本既燒賣同中式既好唔同，佢既豬肉唔係彈牙既豬肉，咬落去係淋既同埋比較粉，而且入面係加左洋蔥粒嫁，所以會有D甜甜地同埋菜既口感! 另一樣特別既係: 日本既燒賣唔係配辣椒油，係配黃芥辣嫁! 放少少係燒賣面食都幾好食嫁，令粒燒賣味道更複雜，甜得黎又帶辣同攻鼻，仲香D，所以都幾得意，值得試!始終同中式既燒賣唔同，相信有人會唔鍾意淋同粉既燒賣，但係，話晒去其他國家旅行，應該都試一試，從食物感受下個文化差異，或者，你都會愛上呢種燒賣!! 結論係可以一戰~~!! 再戰既話，就睇各人口味啦~~#從食物感受文化差異#其實係為食#日式燒賣#晚餐前小食#好開心有妳陪住我周圍食周圍去#比鹿追完要定下驚
続けて読む