燦

12月中一家三口來食午餐。揀此餐廳因為當天天氣寒冷及大風，所以想吃一些暖胃的食物才繼續當天的行程。餐廳地點非常好方便，我們和小朋友吃完午餐之後行過對面扇町公園玩耍。當天點了魚生和相撲鍋。份量足夠，食材非常新鮮及美味。老闆及老闆娘懂得廣東話，我們落單完全沒有問題。環境乾淨衛生。招呼非常好，很細心。我們還看見有些食客是來聚會的。也有一些地道日本人來吃。還看到餐牌有些飲酒放題，但因為要去公園我們沒有點。今次是吃午餐如果下次有機會也想嘗試一下晚餐。相信會是朋友聚會的一個好地方。…さらに見る

剛剛去完大阪睇紅葉，仲回味緊大阪嘅每點每滴，今次真係想介紹返位於梅田天神橋筋商店街其中一段，轉彎位有座全棟都係食肆嘅building，距離扇町站一分鐘路程，主打相撲鍋！見到有Shabu shabu, 就吸引左去食喇，因為我哋食咗3日刺身，今次想食熱食。地方好乾淨，寬敞明亮，要除鞋入去，座位舒服，唔需要盤腳坐。 我哋去到見到有對情侶講廣東話，以為同我哋一樣係遊客，落order嗰陣先知原來佢兩公婆係呢度嘅老闆，好親切🥰　其實呢度係預約制，今次walk in 都有得食，又遇見老闆，真係一個緣份🫰🏻同日本其他食肆一樣，有前菜，小食，漬物等等，可惜我冇影相📸，掛住同老闆，老闆娘傾偈，原來大家都係同路人，選擇移居外地，對香港已經失去信心同希望。 講返食物先，每樣都好新鮮，大家睇吓個湯，見到個魚頭知唔知係咩魚？唔知係咪「金鼓」個類，好鮮甜😋。主菜相樸鍋，大大份，乜都有少少，日本產既雞肉，豚肉，魚類，鮑魚，蟹鉗，蜆肉等等。肉類唔覺得有醃過，但係一D雪藏味都冇，全部都好新鮮，幾款菇類都好爽口，底部仲有好多菜，超甜無渣，好滿足，物超所值👍遇見同路人梗係要乾杯🍻🍶🥂紅色呢杯係蕃茄酒，茄味好香，好清新。甜品有老闆娘自己做嘅雪糕🍦，好出色👏🏻👏🏻👏🏻印象最深刻係薑味雪糕，一定要試！真心大推！…さらに見る

一直聽朋友推薦“燦”呢間相撲火鍋店，今次嚟到大阪終於有機會食到啦！起初睇佢哋門面裝修好靚，心諗一定好貴，諗住難得去旅行唔好理咁多，食咗先算！點知原來食成隻手板咁大嘅鮑魚，價錢都非常合理，其餘火鍋嘅食材，魚生刺身都非常新鮮！老闆和老闆娘好親切，親自招呼，用心介紹食物，老闆娘仲話每日佢哋都會自己親自揀選食材，真係一間非常用心嘅小店！返到嚟香港我都推介左比幾位即將去大阪嘅朋友仔去食返餐勁👍🏻👍🏻👍🏻…さらに見る