作ノ作 千日前本店

営業中

現在閉店

👨🏻👩🏻行完心齋橋' 肚餓周圍搵嘢食見餐牌好吸引!在買票機買票入內老公點了一番人氣No.1浪花豚骨肉拉麵~ 湯底好，豚肉多吾肥，麵質煙韌 🍲🍲🍲👍🏻👍🏻👍🏻 溫泉蛋🤗正我點了一番人氣No.2湯底濃郁🤗~ 麵煙韌適中!好味🤗🤗🤗🤗

iwalker早兩年介紹過，特登為佢個浪花超多肉拉麵以來。全店坐位約十多個，是日隊唔長，由兩個姐姐打理哂全場（包括煮麵），可謂一腳踼。用票機先買票再入內食，另一朋友醒目知道嗰碗超多肉實食唔哂，自己就叫半份麵同食超大碗share，本人對沾麵特愛就3個人點咗*浪花豚骨拉麵之超多肉量-啲肉多到大得了面有底都有，加埋個麵真係食到反肚，不過老實講碗麵打咭呃like ok，其實啲义燒冇特別*半份浪花拉麵-麵爽，湯濃冇騷味，如果唔影相，女仔叫半半浪花拉麵就ok*柚子沾麵-汁較鹹，雖然麵身唔錯又有好多配料可以加落去，但始終覺得麻麻，覺得難波嘅三田沾麵店簡單而更好味。

有食福：當你喺大阪街頭苦惱緊食咩早餐時，有食家朋友無啦啦whatsapp 你幾張相，唔係叫你買手信，而係推介我某間食店，而佢正正喺我面前 - 作丿作。循例都簡單寫食評。門口好似一蘭咁揀好食咩就入席。早餐我食得唔多，半份加隻蛋啦。外表睇落同其他拉麵店差不多。叉燒係一讚，雖然薄薄地，個好有豚肉味，浸落個重點豬骨湯底，味道互相和應。個湯底係最 amazing，每一啖都好有層次，唔會好似啲懶濃嘅豬骨湯底咁太油或者太咸，飲完係唔會口渴同膩口。我本人唔好蔥，因為啲蔥太重手好多時會蓋過食物嘅鮮味。但係當呢個湯底加埋蔥，蔥係令到個湯加多重鮮味，我...差不多飲晒啲湯。我到而家都無口乾但仍然留緊口水。最後一個早餐 - 大！滿！足！

來到大阪第一餐就想吃拉麵😋 日本拉麵店隨處可見，挑選這間因為想吃柚子麵🍜先在門口售票機購票購票後就入去坐低等食😋星期五，3、4點所以人流較少老公點了人氣no1浪花拉麵，滿滿的叉燒麵都係$80港元左右店內不大，全是bar枱，可以清楚看見整個製作過程，師傅正用機切叉燒中。上fb share可免費享用其中一項我們則用了正文旅遊書的優惠，每人獲贈一隻溫泉蛋。排滿滿的叉燒，未吃午餐的我們胃口大開，先飲啖湯先，久違的味道，湯頭濃濃的。最愛溫泉蛋了😊相對麵質比較普通，個人認為較林，叉燒是薄片，整體好吃。我的柚子冷麵來了可以先用這四枝調味料拌吃我選擇乾脆直接用這碗汁拌麵吃麵條很爽彈，配上清爽柚子汁醬，令人胃口大開😋注意麵是冷的，但醬汁是溫的，這個麵條質感比拉麵出色，不消一會便被我KO了😋😋😋😋😋冷熱麵各有特色，不過個人喜愛冷麵更勝一籌😍