京風鉄板 はせ川

営業中

現在閉店

我哋兩個人訂咗每人22000 yen嘅套餐因爲想食龍蝦。可能因爲有訂臺 + 嗰晚人客唔多所以有得坐房。不過事後覺得其實食鐵板燒係望住師傅整不過有趣。前菜冇咩問題不過去到重點龍蝦就開始出事。龍蝦只係微暖，個殼直頭凍嘅。成個感覺已經難受。然後去到牛，都係微暖。塊肉嘅質素更加唔掂，好似去香港茶餐廳落咗鬆肉粉嘅垃圾肉咁。之後嘅食物都不過不失不過講真，22000 yen即係港幣1100喎。宜家日元弱遮不過都唔算係一個細嘅數目。我會覺得溫度控制同埋食材質素會好少少。不過雖然係咁，服務的確好好，厨師會送我哋出門口同埋送好好味嘅朱古力蛋糕。

臨出發日本前預訂了這間餐廳，預訂日本餐廳是需要付保證金的，如果有事唔到，記得致電或更改預約日期，千萬不要no show.因為係會有收費的。揀呢間餐廳原因係因為同行三人，有二人是不吃牛肉，餐廳好貼心地可以將所有牛肉菜式轉為海鮮。海鮮可以選龍蝦或鮑魚，全部都係新鮮喺你面前即切即燒。我哋選了20,000円套餐，有前菜，龍蝦，鮑魚，蟹腳，帶子，牛肉，炒飯，麵豉湯，甜品。牛肉方面佢會問你想選邊一款部位，如果唔清楚可以直接向服務員說叫他recommend 。佢會將燒好的牛肉粒放入蛋漿上菜，之後會將蛋漿煎成蛋卷，唔會浪費所有任何一樣食物。服務員可以用簡單英文溝通，餐單亦有英文，臨走前每位客人都會有一包小曲奇，好貼心