りくろーおじさんの店 なんば本店

営業中

現在閉店

這一間是大阪才有的蛋糕店，是人氣排隊店，雖然很多人排隊，但排得很快，因為廚房內不停焗蛋糕，蛋糕一直出爐，買得很快，但買到的蛋糕也是熱騰騰的，不是放在冷掉的。本來沒有抱著很大期望試，只因為是人氣店就一定要買一個來吃，但意外地非常好吃。新鮮出爐，熱騰騰非常柔軟的蛋糕，很香，又完全不甜。價錢不貴，蛋糕底有提子乾。還再買了一個回酒店冷藏，再帶回香港吃，之後用焗爐翻熱。雖然和現場買馬上吃還是差得多了，但也是好好吃。冷藏好像可以放三天，買回國也不錯。

臨上機返香港之前一定要買「阿伯芝士蛋糕」🧀🎂！今次好好彩，唔洗點排隊就買到。睇住d芝士蛋糕新鮮出爐，店員動作好快為蛋糕蓋印，之後即入透明膠袋，收到訂單就入紙盒同紙袋🛍，成個過程都好迅速！💨·🔸 芝士蛋糕（¥725，約HK$53）當晚返到香港即刻同屋企人分嚟食，即晚KO成個蛋糕！😛 口感非常鬆軟，芝士味香濃，勁正！🤤 超級抵食嘅芝士蛋糕，好味又大個，芝士控表示非常滿足，遠超100分呀！😍·P.S. Hand carry返香港，蛋糕表面保持唔到原來嘅面貌，皺晒皮... 😣 襯埋自家嘅雞公碟，別有一番風味 🤣

兩公婆喺心齋橋行街， 經過見排長長的人龍，望下原來系傳聞中老爺爺芝士蛋糕🎂🎂! 老公就排隊買!等咗十分鐘就有! 每盤六個 '不停出爐🎂🎂 熱辣辣好香返到酒店就馬上👨🏻👩🏻吃- 軟綿綿蛋糕芝味濃'又似甜品🤗好正🤗放完雪櫃食另一番味道👍🏻👍🏻第二天還買了兩個回港

一向好少寫外國食評,今次既然o係openrice搵到,就寫我日本第一篇食評.上月同老公跟團去日本,27-10-2018(Sat)傍晚帶我o地去到心齋橋放低我o地自由活動,同老公百無了賴咁行,行到o黎呢o度,想搵地方坐吓食少少o野,見呢o度好多人排隊,原來賣cheese cake同其他甜品,由於想食cheese cake,但要成個買,要695日元,但就o黎食晚飯啦,不過見折合港幣50蚊有找,於是同老公排隊買.佢o地每次出爐都出6個,新鮮熱辣.到我o地買到,即刻搵個街邊位坐趁熱低食,臨近萬聖節,蛋糕烙印o既公仔都用o左應節o既設計.影完相,我o地快快開動,超好食,蛋糕超鬆軟,似mousse又似蛋糕,類似半熟蛋糕咁.味道又唔太甜,真係好好食.呢次o係外地誤打誤撞食到又平又好食o既o野,真係好感恩.

やっと会えた！終於都食到りくろーおじさん既芝士蛋糕喇，我仲好記得上次起梅田店見到佢岩岩出爐，裡面既店員見我同呀妹睇到流曬口水，仲特登單手拓著個蛋糕，對向我地面前，睇著新鮮出爐既蛋糕有幾咁動L，如果唔係行程既安排，我一早就買左喇。佢除左就咁買個蛋糕之外，仲可以買啲唔同既combination，一次過試埋佢其他既產品，當中難波本店排第一既就係加埋一盒五個既布甸。布甸味道濃郁，口感好厚身軟滑，蛋同奶都加得好足，加埋個底既焦糖醬，味道更加豐富。主角芝士蛋糕出爐後雪左兩個鐘變到凍冰冰先賣，所以已經變左皺紋呀叔喇，雖然無岩岩出爐咁動L，但佢仍然好有彈力，當然佢咁有彈力，中間空氣既成分係有既，但佢都算幾重手，好足料。蛋糕既芝士味好香，但唔會太濃，濃度岩岩好，一人一件唔會太飽，最底層有啲甜甜既葡萄乾，我本身唔係太好葡萄乾，所以感覺係有點怪怪的，但整體黎講係好食既，下次再去都會想再買。

第一晚經過已經聞到芝士香想食，可惜多人排隊已經截龍，臨走前一天再去買返個來試下先。$675yen一個好抵食😋焗好的蛋糕賬卜卜，香噴噴😍每一輪都會敲一次鐘一邊熨返個標誌好快就入袋比顧客啦，夠晒新鮮。日本店舖好多時賣一兩樣野已經可以好出色好銷路👍🏻返到酒店立即歎下先，仲熱辣辣架蛋糕底有好多提子🍇芝士味，不太濃，很香軟一口接一口，二人吃了3份1😋😋之後冷了再吃時覺得芝士味會再濃些但熱吃時又是叻另一種幸福滋味😊❤️

最後一天，真的很不想回港呀.....但現實歸現實，回港前，就讓我們再拜訪一下老爺爺芝士蛋糕啦~在心齋橋的盡頭，會看見一條小小的人龍，聞到香噴噴的蛋糕味，跟著排就沒有錯啦! 老爺爺芝士蛋糕有新鮮蛋糕出爐時，店員會搖鈴告訴大家，另外，亦有店員為大家奉上試食的布丁或蛋糕，試對口味才買，十分貼心呀! (p.s. 不過，這個試食是不定期供應的)來到老爺爺芝士蛋糕，當然要帶點伴手禮回家，今次我們就選了芝士蛋糕 (675yen)~ 大大個芝士蛋糕，才只賣675yen，真的很化算!! 店員會為大家用膠袋入好，再放入盒子中，手提回香港無難度! 芝士蛋糕的芝士味淡淡的，質感鬆軟綿密，底下有幾顆提子乾，為蛋糕增添幾分口感~~ 蛋糕無論凍食或熱食，都風味甚佳，真的十分推薦呀!!

りくろ(Rikuro)和PABLO兩家以芝士蛋糕聞名的烘焙店都是目標光顧的店舖之一，早幾天多數行經心齋橋筋，見到PABLO比較多，但當時都是剛食飽不久而沒有買。今天早了晚飯，行經戎橋時見到Rikuro就不容錯過了，一個芝士蛋糕直徑約6吋，才賣500多600YEN，排隊之時店員已在分發試吃，剛出爐微溫的感覺，帶淡淡芝士香氣，入口糕身軟軟的，咬落卻是彈牙，很特別。買了一個回酒店，本想明早做早餐的，但最終當然是擺不到過夜，晚一點就分了來吃。據知另一家PABLO賣的是半熟芝士蛋糕，想像是流心的模樣，期待也有機會一試。