動画
電話番号
075-533-7744
受賞歴とアワード
ミシュランガイド ビブグルマン獲得(2020-2024), ミシュランガイド グリーンスター (2021-2025)
営業時間
*朝食 8:00～／9:00～（2部制）
昼食 12:00～14:30（L.O.14:00)
夕食 18:00～22:00（L.O.21:00)
Mon
Closed
上記は参考情報です。詳細はレストランでご確認ください。
関連記事
為咗靚靚媽咪可於海外婚宴保持最佳狀態出席，哥哥專登訂早兩日嘅機票到步，小表弟得知特別安排，即誠邀二人一同參與婚前於地道日式料理「丹」搞嘅會親午聚。兩層高嘅餐店位於白川河旁嘅小路上，水秀幽靜。隱藏喺後門原來仲有個竹林小花園，四周都散發著大自然嘅氣息。十五人派對剛好包咗地下全層。用餐大堂木造嘅餐桌椅櫈簡潔企理。廚房位置透明度極高，食客可任意觀賞師傅備製菜餚。據網上資訊所述，店子名為「丹」全因團隊所選用嘅食材主要源於京都丹後半島，包括清酒、蔬果、米麥、海產等。每位席上擺有齊備嘅自用餐具。一對新人早已訂好七道菜餐單。XO仔嗰份為無果仁版。大家只需點選飲品。其中無酒精飲項目有一頁。酒牌則共有三頁。姨丈應推介揀咗丹後釀造嘅「亀の尾蔵舞」（14,300円/樽）。清酒清甜易入口，午餐飲用相當適宜。Mushrooms & White Miso Soup, Cumin, Pink Pepper：午宴第一道上場嘅蘑菇麵豉湯微甜清潤，輕盈尤甚。Sesame Dressing/Pear/Sweet Pepper/Wheat Gluten/Pumpkin：接著嘅沙律最正就係入面爽甜嘅梨梨，無奈敗筆在於混入嘅南瓜、甜椒等配料好粉同黏，個芝麻醬又杰，細細碟蔬果極其溜滯。Charcoal-grilled Eel Kyoto Taro：炭燒鱔鱔皮層帶韌，唔得香脆，薄薄嘅鱔肉唔嫩偏嚡，反而伴碟嘅京都芋頭綿潤可口。Bonito Grilled with Straw：以稻草烤出嘅鰹魚呈半生熟，魚肉厚身得黎十分柔潤，簡單伴配薑蓉、醋汁及山葵已夠清新。Tilefish and Yellow Chives Soup：奶白色嘅韭黃湯底淡而冇乜味，甘鯛皮韌肉實，只有鱗片脆巧討好，略為失色。Beef Rice Bowl：牛丼嘅飯粒肥潤飽滿，混入嘅牛肉切得夠薄同碎，食落唔會覺得好滯口，不過如果可以加隻流心溫泉蛋應該會更香滑美滿。Sweet Potato Sweet Red Bean Lemon Jamming：表妹進食後發現甜品內含脆疑似果仁嘅成份，由於細佬有限嘅日文聽唔明白色粒粒為何物，為安全起見就冇試到。京都河畔小店「丹」環境優雅，服務生誠懇落力，產自丹後半島嘅食材係就係好新鮮，無奈七道菜午餐調味清淡得黎部份菜式有點兒溜滯，唔可以話難食嘅，但又讚唔出話正，只可以話唔係XO仔杯茶囉。
続けて読む