動画
電話番号
075-344-3802
営業時間
本日
11:00 - 22:00
月曜 - 日曜
11:00 - 22:00
上記は参考情報です。詳細はレストランでご確認ください。
由京都搭車去大阪之前，中午先喺京都車站大樓十樓嘅「京都拉麵小路」食咗碗拉麵先起行。拉麵街內太多選擇，頭腦比較簡單嘅XO仔最終從日本餐廳評論平台上揀出最高分嘅「ラーメン東大」。拉麵店唔洗行好遠，紅黃色嘅招牌相當搶眼。行入去搵位時，樓面位半黑面叔叔指出，所有客人必先選定食物及全數預繳，帶埋飛仔先可排隊輪侯入座。點菜機共有日文、英文及中文三種語言，菜式均附有彩圖參考，亦有多個電子付款方法，操作簡易。小店面積唔算大，但勝在啲位唔會太迫。餐桌上擺有自助餐具、紙巾、溫水、調味料及牙籤。嘻嘻，另外仲有免費蛋蛋添！第一次幫襯，大家都揀咗門外餐牌上最大幅相嘅德島拉麵！德島拉麵（800円）：拉麵啡色嘅壽喜燒汁湯底非常重口味，淨飲會覺得又咸又甜；湯中嘅芽菜勁爽脆；拉麵麵條粗幼適中、質感軟彈；薄薄嘅豬肉片則入哂味。拉麵精髓在於一定要連隻生雞蛋食！看圖識食地喺碗中打入蛋蛋，好似食沾麵咁夾起每啖麵麵同肉肉時都先黏上蛋黃，食落即倍添滑溜，就連啲湯都變得冇咁咸，新穎嘅食法好有新鮮感，800円碗絕對抵食！餃子（480円）：如相所示，餃子賣相已經好乾，咬落個餡不單冇乜汁，而且仲好韌皮，雖然唔貴，不過堅唔好食！京都車站拉麵街內獲得最高評價嘅「ラーメン東大」環境光鮮企理，招牌德島拉麵價廉可口有特色，二十分鐘嘅快餐即使遇上唔係咁親切嘅服務生都冇怨言。
続けて読む
京都車站周邊既拉麵小路係大家必去既食點😌當晚小編只有一個要求，就係唔洗點等位🤣好彩呢間東大係唔等點等位，其他麵排晒長龍😂餓死既小編好快係門口揀好食咩，拎票等左一陣就由店員安排入座啦😍🍜 東大特製拉麵 ¥1250小編因為完全唔食生雞蛋😂 享用唔到呢度生雞蛋無限食既福利😌唯一係menu 見到呢個圖有糖心蛋，所以即時叫了😉湯底除左係豬骨濃湯，仲要加左醬油，係比較濃味既拉麵，岩晒小編既口味😙肉都有兩款，普通既叉燒同用濃醬醃左既豬肉😚 兩者都好味，份量都足夠😝其實小編都真係好好彩，因為食完出黎，見到都要排長龍了😂
続けて読む
這一次關西之行，我食的第一餐，就是拉麵。未到京都，我早已計劃好我的拉麵旅程，說好了第一日就是在京都駅旁的伊勢丹內尋找我要的拉麵，於是，早上去完嵐山，中午回到京都駅，我同太太就分道揚鑣，她找她的便當，我就來到伊勢丹10樓的《京都拉麵小路》，尋找我事先選定的四國德島拉麵代表《ラーメン東大》。 由於是次旅程，德島是我的大站之一，所以我這一次在日本食拉麵只有一個目標，就是四國德島風味。 如常，要在門口禁機仔，店員大概已知道我是一個不懂日語的遊客，很主動出來協助我選擇，結果，我選了他們的招牌德島ラーメン肉增し，加了荀，同一份餃子。(店方有中文 menu 讓我可以中日文對照，當我指出我要什麼，就由熱情的店員代我禁。 之後把手中小票的另一半交給店員，另一半自己 keep，你就可以找一個有利的坐位等麵了。因為我來的時候已過了正常的午飯時間，所以是自由席，不需要由店方去代為安排。 找到一個有利，有景的位置坐同等，牆上的大字，我看不懂，可能是一食入魂的意思吧，另一邊，就是著名的嗚門大橋。 因為已經是連鎖麵店，所以師傅們都好年青，這拉麵店，感覺有少少簡單，也有店不拘小節的感覺，這同一般人認為著重整齊的日本食店，感覺是有所分別的。 等麵時，我留意到每一個位都有一盤生雞蛋，當我注視同玩弄蛋蛋時，店員說明給我聽，這是無料的，而且食用方法就如他手中的圖示，把生雞蛋打入拉麵一起食，會更惹味。我明白用意後，當我的拉麵來到，當然會照做啦。 拉麵來了，是招牌及最具人氣的《德島ラーメン肉增し》，是豚骨湯底，不過加上了醬油，令湯式顯現出較為深的色澤，看得出，這拉麵的味道，的確是濃上加濃。 麵條有蛋香，也十分煙韌，沾上了濃濃的麵湯，更加是味道倍增，配料，除了有我多加了一份的荀絲之外，豬肉片就成為了肉方面的主角，而且，我點的叫做《肉增し》即是是加倍了份量的肉，而這肉事前是用過濃醬去醃煮的，肉香味當然也是份外的濃郁啦。 之前說的生雞蛋，就是這樣打入碗面之中，蛋白蛋黃漿混合在麵湯之中，令湯多添了滑的口感覺，而這一隻蛋，就是我覺得《東山》的優勝之處。 湯底是豚骨加醬油，在平常習慣了的豚骨濃湯味之下再加上了醬油的豉香味，令我不得不去一飲而下。而且，把拉麵的湯喝清光，據說是一種禮貌同尊敬。 加點一份餃子，皮薄，餡肉也夠靚，有肉香味，也有肉汁。再者，餃子的皮煎得十分的香脆，輕輕地點一點醬油，就是十分滿分的美味。 豚骨加醬油，濃同甜的互相配合，的確是好味道。
続けて読む