Hsy1004's Profile

第一次去箱根，完全唔知道一堆博物館藝術館入面有乜嘢好食嘅地方，行到去小王子博物館，朋友話佢已經餓到就來暈低，於是就走左入去佢隔離嘅呢一間小王子餐廳度食飯👆🏽一行入去小王子博物館就會見到呢一個餐廳招牌，大大隻字寫住Restaurant，唔識日文嘅人都唔會搞錯啦👆🏽本身以為入面充斥着一大堆小王子嘅嘢，不過估唔到餐廳入面嘅裝修唔係好誇張，卡其色同埋啡色嘅用色令人覺得好溫暖，有一種係沙漠度搵到一間小酒館嘅感覺（小王子同主角就係沙漠入面遇見架❤️）而且有好多小小嘅細節位，例如上面第一張圖就將牆嘅開口位設計成大笨象係蛇肚入面嘅形狀，呢一啲小心機一定要係小王子迷先至可以即刻睇得出❤️👆🏽menu同埋餐枱上面嘅墊檯紙都印着小王子，簡單得來好可愛❤️👆🏽一個set入面有湯、一個小沙律、麵包、同埋主湯、麵包同埋沙律都非常之細，好彩主菜嘅份量都足夠，至少滿足到我嘅港女雞仔胃xd👆🏽唔記得咗呢一個係咩名，入面係焗魚同埋薯蓉，再配左啲蕃茄啊西蘭花等等嘅蔬菜同埋芝士，其實佢每一個食物都配合左小王子入面嘅故事情節或者主題，但係呢一個真係唔係太突出（所以我已經唔記得咗哈哈）但係望落去好簡單而又好精緻，呢個就係喺日本食嘢成日感受到嘅感覺食落去，佢嘅調味料一啲都唔重，會食到魚本身嘅鮮味，同埋薯蓉非常之香不過如果識開重口味啲嘅人，可能會覺得好淡👆🏽套餐入面仲包埋一個嘢飲同埋一個小甜品飲品嘅選擇其實好少，基本上都係要加錢，所以我就淨係揀咗最普通嘅紅茶呢杯紅茶冇咩特別，同立頓嘅一模一樣個甜品係一個藍莓味或者草莓味嘅啫喱，好細一個，基本上兩至三啖就可以食晒，而且味道都係完全普通，主要係為咗完整一個聲入面應該有嘅嘢嘅而存在嘅對於景點區餐廳黎講，價錢尚可，食物味道都不錯（至少主菜好食），賣相精緻基本上已經fullfill到一個藝術館餐廳應該有嘅質素…Read More

既然係住喺新宿歌舞伎町，玩到夜晚成個人咁攰就梗係喺附近搵嘢食啦喺hostel附近見到若狹家，諗起每一次過嚟東京都冇時間食呢間野（因為之前成日搵啲出名嘅餐廳），既然今次係窮遊，即係用呢個嚟過吓口癮事實證明呢一間野真係好好食，去日本短短四五日我竟然食咗兩次因為每一日嘅行程都好full，所以都係比較晏嘅時間先至去食，每一次都唔駛等位入到去就係Menu，雖然我識少少日文所以不嬲都覺得睇Menu一啲難度都冇但係呢一間嘅Menu入面有晒圖片，就算唔識日文嘅人都一定識得睇👆🏽呢個係第一晚食嘅冇記錯嘅話魚生應該係赤身嘅吞拿魚，因為我個人唔鍾意食肥嘅嘢，所以比起拖羅更加鍾意食赤身xd 吞拿魚有少少筋，但係勝在非常之新鮮海膽非常jeng❤️好新鮮而且好鮮甜三文魚子係我嘅最愛❤️基本上除咗壞咗嘅三文魚子之外，香港日本每一間餐廳嘅三文魚子都唔係太大嘅差別，所以是好食的，送飯一流👆🏽然後呢個係第二晚嘅因為呢一餐係喺日本嘅最後一餐晚餐，所以我好豪爽咁樣嗌咗deluxe即係佢上面嘅魚生份量會多啲，都好清晰可以見到第一晚嘅三文魚子只係薄薄一層，已第二餐嘅呢一個係口到見唔到下面啲飯同埋紫菜㗎❤️海膽同埋三文魚子都係一樣，新鮮好食至於魚生方面，我就轉左要大蔥吞拿魚茸，感覺上會更加送飯呢個大蔥吞拿魚茸真係出乎我意料之外！非常之新鮮而且超級鮮甜，喺香港從來未食過咁香咁新鮮嘅吞拿魚茸❤️總括而言，呢間唔係乜嘢高級餐廳，但係入面嘅食物質素完全比得上香港嘅高級日本菜，去旅行就係有呢一個用平價食物食好西嘅好處…Read More

港女去到東京，而且仲住喺新宿區，點可以唔去呢間大名鼎鼎嘅Harbs朝聖打卡❤️首先咁出名嘅蛋糕店一定要排隊😢而且佢除咗蛋糕之外仲有其他意粉呀嗰啲主菜食，除咗好多後生嘅女仔同埋OL之外，仲見到好多Auntie同Uncle黎撐枱腳，好sweet👩‍❤️‍👨鋪頭門口有少少座位（大概7個？）可以比大家坐喺度等位，因為我哋係朝早11點左右去，已經開始有啲人喺度等緊午餐時間🥣我哋大概等左20分鐘左右就可以入去～入面嘅位唔算闊落，特別係二人枱，我哋嗌左兩個蛋糕、兩個茶，蛋糕同埋茶杯茶壺擺咗上嚟之後張檯就已經冇晒位🤦🏽‍♀️畢竟日本都係一個寸金尺土嘅地方⚠️Harbs嘅最低消費係每人一定要嗌一杯野飲，所以就算你唔識主菜唔食蛋糕，都一定要飲嘢㗎！👆🏽我叫咗一個期間限定嘅Blueberry Cheesecakeブルーベリーチーズケーキ🧀️本人好鍾意食蛋糕但係對於蛋糕上面嘅cream係好挑剔嘅，呢個cream冇咩特別，唔係太甜但係都冇咩牛奶香，好似平時喺超市買啲heavy cream然後打發佢一樣，所以上面嗰層cream咁厚就有啲「漏」不過下面嘅芝士蛋糕超級好食😋❤️日本嘅芝士蛋糕同New York cheesecake嗰啲爭好遠，食落去好輕盈好fluffy好軟好香，但係一啲都唔會覺得好heavy，食晒成個蛋糕都覺得好辛苦（不過當然我哋呢啲雞仔胃嘅港女食完一個蛋糕就當一餐啦哈哈）入面嘅藍莓唔多，只係中間嗰層有少少，差唔多一啖可以食到一粒咁樣，好彩佢嘅cheesecake好出色，如果唔係嘅話咁少真係唔會好扣分，畢竟個名寫到明係藍妹芝士蛋糕㗎嘛🤥呢個蛋糕整體來講我都比高分佢，主要係cheesecake真係好好食，其他嘅嘢我就原諒佢啦xd👆🏽朋友就另外叫咗一個classic嘅mille crepeミルクレープ🥛呢個水果千層蛋糕係佢哋最出名嘅，基本上你上網見到每一個人打卡都一定會有呢一個蛋糕📷呢個蛋糕有六層嘅餅皮，入面充滿新鮮嘅水果，你可以見到每一層都鋪滿晒唔同嘅生果，紅色黃色綠色咁樣影相特別好睇👍🏽只不過一叉落去佢就會好快散，所以要打卡嘅話記得一定一定要係食之前就影相啦！可惜嘅係呢個蛋糕入面用嘅cream同藍莓cheesecake上面嗰個cream係一樣嘅，又係唔係特別香冇咩牛奶味，對比來講香港嘅ladym竟然更勝一籌🤥不過呢個蛋糕入面有咁多生果，而且影相又好睇，食嘅時候又可以催眠自己呢個蛋糕比較健康，對港女來講都夠晒啦❤️👆🏽為咗配合甜嘅食物，同朋友一人嗌咗一個紅茶，我叫嘅係Apple tea，蘋果味非常非常之香，紅茶亦都唔澀，就算唔落糖都好容易入口👍🏽對港女來講，有少少情調、影到相、嘢食好味，就已經夠晒啦❤️至於價錢方面，well你都唔會expect東京嘅物價有幾平㗎啦～每個蛋糕900-1200yen左右，如果係季節限定嘅話會貴少少💰…Read More