marydaniel's Profile

去到大阪當然要去試下大阪出名既大阪燒～今次去左梅田分店。餐廳有提供中文菜單，所以大家可以放心～另外仲會有一張中文教學，比客人知道用餐時有咩要留意。佢地分別有單點或者套餐～今次我地叫左套餐～(*餐廳規定每日至少要叫一樣食物。)好大杯Mega版可樂～蛋包烤豬肉片幾好食～豬肉大阪燒員工首先會幫你撈好，之後放落鐵板燒，其間員工會適當時間返黎幫忙繼續燒，由於需時都比較耐，所以可以食住其他先～鹽炒麵會先由廚房整好，廚師會幫你放上烤盤，（好有禮貌）客人自己落調味粉撈混煮熱即可進食～一個套餐其實唔算貴，講緊圍返每人唔洗HKD100已經可以落樓～已經可以食到勁飽肚～～～最重要係所有野都好好食！下次去大阪一定會再去食！*Blog主其實有再去另一間鶴橋風月分店，係難波南館，個間反而再平啲，食左個明太子炒麵，超級好食～～～…Read More

去到大阪一定要試章魚燒，上網揾左資料，呢間甲賀流非常出名，所以一定要黎食！道頓掘本店係一個公園對面，所以都適合大家買完就過對面公園食～不過今次我就選擇上樓上食，係地下買完野食，收銀處側邊會有個位比你搭lift上樓上，樓上2樓都係屬於甲賀流自己既店，有幾張長枱及高椅，不過無員工係呢層，大家食完記得清潔好及收拾好垃圾喔～*不過可能員工太忙，個垃圾桶爆滿都無人整理…今次試左呢個滑蛋章魚小丸子，真係好好味～！呢個價錢，可以食到呢款滑蛋，再加上好味既章魚小丸子，簡直係物超所值！可惜要留肚食其他美食，如果唔係blog主一定會食多碟！…Read More