cykh's Profile

臨上機返香港之前一定要買「阿伯芝士蛋糕」🧀🎂！今次好好彩，唔洗點排隊就買到。睇住d芝士蛋糕新鮮出爐，店員動作好快為蛋糕蓋印，之後即入透明膠袋，收到訂單就入紙盒同紙袋🛍，成個過程都好迅速！💨·🔸 芝士蛋糕（¥725，約HK$53）當晚返到香港即刻同屋企人分嚟食，即晚KO成個蛋糕！😛 口感非常鬆軟，芝士味香濃，勁正！🤤 超級抵食嘅芝士蛋糕，好味又大個，芝士控表示非常滿足，遠超100分呀！😍·P.S. Hand carry返香港，蛋糕表面保持唔到原來嘅面貌，皺晒皮... 😣 襯埋自家嘅雞公碟，別有一番風味 🤣…Read More

香港越嚟越多餐廳有得食吉列炸火牛扒🥩，嚟到大阪，一定要去非常出名嘅「牛かつ もと村 難波店」朝聖！🤩·餐廳係地下舖，要落一條樓梯先入到去，我哋喺當地時間大約1905到達，地面已經出現人龍。當我哋排到去樓梯位置，職員就幫我哋落定order。📝·本身好想放棄唔食呢間，因為好肚餓😫，最後我哋等咗大概20分鐘，不過冇後悔，因為炸牛扒好出色呀！·呢度嘅抽風🌀設備幾好，冇油煙味。火爐會預先準備好，好快就上菜喇！·🔸 炸牛扒定食（¥1,300，約HK$91）我哋各自叫咗一個炸牛扒定食，一大塊炸牛扒切成12條，厚薄適中。將炸牛扒放喺爐上輕輕燒一陣，牛肉表面熟咗，而又保持到入面嘅肉質軟腍，唔點醬汁都好好味呀！😍 呢度仲可以免費添飯🍚，有大、中、細碗選擇，好貼心！個餐有埋沙律、菜、湯，夠晒飽！😛·好值得一試嘅餐廳，如果唔太抗拒排隊，絕對要嚟試下！😎…Read More