美々卯 渋谷マークシティ店 (Closed)

係東京嘅最後一晚，又係為咗行街而又晏咗先食飯，係攰到冇力之際，醒起黎咗幾日都冇食過壽司，想起美利堅好似係池袋有，於是急急腳行去，點知8:30點到門前已有十多人排隊，所以係附近再揾食，行到一間外觀幾好嘅餐廳 - 美々卯，見有火煱，有set，價錢又合理，一於試試。見到餐牌樣樣都想食，最後揀咗個美々卯御膳，¥2,500有前菜、刺身、天婦羅、飯同烏冬...都幾抵，肚餓應該食乜都好味，但唔知係咪我食得慢，最後先天婦羅嘅關係，D天婦羅有D”林”唔太好食，而其他食物只算ok, 不過以呢個價錢黎講，可以接受。走時見到其他枱都叫火煱，睇落幾好，有機會再試。