中華そば 多賀野

Open Now

Now Closed

超級喜歡麵食，去到邊，都會用盡一切方法品嚐當地麵店。拉麵作為日本國民美食，單是東京，就有超過3000間拉麵店，尤如天上繁星。出發去東京前，請教過身邊幾位日本通，「多賀野」呢間拉麵店，竟不約而同出現在眾人推介之列！當然不容錯過！由新宿前往，半個鐘就可到達「多賀野」所在荏原中延站。小店就在站前直行20米右邊，門前草蓆屏風非常樸素。其實如果係食飯時間，一出站見到正對面條人龍，跟住排就實無錯，非常易搵。通過自助拉麵點餐機叫左碗粟國鹽味叉燒拉麵。小店得十零個座位，坐在吧台前，可以清楚地看到老闆娘專注地煮麵，及老闆切肉擺盤。身處其中，竟有種家的溫馨感覺。雖然店主已很勤快，但由於食客眾多，依然要等上一段時間才能上餐。湯底雖有加入豚骨熬製，但味道卻以鮮雞味更為突出，加上柴魚、蔬菜等材料作餘韻，色澤乾淨俐落，味道鮮明突出不膩口。筍乾有點小，但卻有點睛的作用。麵條很彈牙！鹼味唔重，食落滿口濃郁麥香。叉燒以瘦肉為主，不油膩岩哂我，配著麵吃，真係一口接一口。好耐都無飲完一整碗湯，今次卻一滴不剩。無論麵、湯、肉食或配料，都非常出色，值得登程光臨。