1
0
0
Address
 Okubo Shinjuku City Tokyo
 新宿区大久保1-12-3 カーサ第二新宿 1F
Telephone
03-6273-8987
Introduction
店主の髙 忠伸は8年前迄は料理人ではございませんでした。全国を4年間で食べ歩き舌を鍛えあるきっかけで東京肉しゃぶ家を開店しました。絶対的な味覚を武器にしゃぶしゃぶの概念を変え、唯一無二と自他共に認める但馬玄を使ったしゃぶしゃぶが完成しました。修行もしたことの無い店主が作り出すセンス抜群な奥深いしゃぶしゃぶを是非堪能してみて下さい。銀座は個室もございます。是非。銀座餐廳預約請至東京肉しゃぶ家秀彬頁面 continue reading
Opening Hours
[月] 　定休日 [火] 　17:00 - 19:30 　18:30 - 21:00 　20:00 - 22:30 [水] 　17:00 - 19:30 　18:30 - 21:00 　20:00 - 22:30 [木] 　17:00 - 19:30 　18:30 - 21:00 　20:00 - 22:30 [金] 　17:00 - 19:30 　18:30 - 21:00 　20:00 - 22:30 [土] 　17:00 - 19:30 　18:30 - 21:00 　20:00 - 22:30 [日] 　17:00 - 19:30 　18:30 - 21:00 　20:00 - 22:30 [祝日] 　17:00 - 19:30 　18:30 - 21:00 　20:00 - 22:30 [祝前日] 　17:00 - 19:30 　18:30 - 21:00 　20:00 - 22:30 [祝後日] 　17:00 - 19:30 　18:30 - 21:00 　20:00 - 22:30 ■ 営業時間 昼の部 12:00～14:30（12:00 一斉スタートです） 午餐可通过“Table Check”预订 夜の部 17:00～ 18:30～ 20:00～ 各時間帯6名様迄ご案内可能です 東京肉しゃぶ家 銀座店 秀彬-subin- 中央区銀座8-6-20 銀座八番館B1 0355682929 ■ 定休日 銀座8丁目 並木通りに銀座店 秀彬-subin-をオープン致しました。神戸ビーフ市場に一切出回らない但馬玄トップランクを御用意してお待ちしております。完全個室2部屋完備2～4名様。カウンター個室7名。 土日 定休日 銀座餐廳預約請至東京肉しゃぶ家秀彬頁面 月曜日
Payment Methods
Visa Master American Express Cash JCB Diners
Other Info
English/Chinese Menu
Wi-Fi
Smoking allowed
Takes Reservations
Wheelchair/Stroller Access
Restaurant Website
https://www.facebook.com/nikushabu
Update Restaurant Info
Above information is for reference only. Please check details with the restaurant.
Photos
Menu
Review (1)
和式聖誕海陸大餐
Level7 2020-11-13
384 views
第一次喺東京過聖誕節，平安夜就一反傳統地棄選西餐，於日本名飲食網「食べログ」（Tabelog）度揀咗間超高評價3.95分（最高4分）嘅「東京肉しゃぶ家」（Tokyo Niku Shabuya）食日式涮涮鍋，一於烚吓烚吓咁過。餐店木造嘅門面有射燈照明，於街道上十分起眼，只係外國人未必識睇其日文嘅招牌。小店一眼睇哂，只有十二個圍繞住師傅大舞台嘅吧位，光亮簡潔，晚市要分兩輪都合情合理。裝潢中最可愛就係牆上一幅著住和服嘅狗仔畫像。細問下，得知講得一口流利國語嘅店主兼主廚高忠伸先生為韓日混血兒，2016年創立嘅店舖為與太太之愛情結精，通往廚房通道之紅白門簾正正印上二人嘅芳名，濃情厚愛盡在不言中！聖誕期間，餐廳只提供一款廚師發辦聖誕大餐，每位22,000円，另加8%稅，訂座時必先預繳五成訂金。八卦嘅小肥都攞咗份四頁餐牌黎參考。飲品方面亦有七頁可選。其中日本清酒九成九都只可以續杯叫，姨媽們見係聖誕節就決定豪啲飲十四代（1,250円/盒），可惜酒品唔知開咗幾多日，飲落當中應有之酒味已經揮發咗大半。反而最有睇頭嘅就係大肥爸爸杯可樂斜塔，勁搞笑！點好飲品就等待飯來張口。。。為平安夜晚餐作序嘅兩片薄切牛脷色澤粉嫩，輕輕燒過足以令其質感鬆爽軟潤，用金碟承載更顯佳節盛宴貴氣十足。同樣以金盤呈上嘅兩件北海道 ニシン（Nishin）魚籽刺身顏色同口感都一樣咁清新，不用點上調味已夠鮮爽。另配嘅牛尾湯好暖胃，不過就有少少嚡同粉，唔係咁啱小弟口味。接棒嘅和牛海膽卷橙紅嘅配搭十分鮮艷，一口食落去，黏上甜豉油嘅和牛薄片及海膽刺身同時化於舌上，兩款海陸主材嘅芳香及鮮甜慢慢滲進味蕾，美妙極！或許係個人對牛尾嘅偏見，XO仔覺得清燉牛尾雖然好夠腍，不過其肉質及湯底均偏油膩同唔係咁夠味，反而頂面點綴嘅蔥絲勁清爽惹味。不知不覺已經食到第六道菜，唔講真係未必睇得出熱食嘅三款主材咁猛料，包括魚翅、鮑魚、海膽，咪即翅鮑膽？！舖面嘅一梳梳魚翅爽脆非常，撥開先見到魚翅塔原來以厚潤彈牙嘅鮮鮑及嫩滑嘅海膽墊底，組合口感豐富，鮮美可口。正當細佬以為翅鮑膽屬重頭戲，點知跟住上場嘅香箱蟹再另起高潮，因為席上嘅長輩全為蟹痴。嘻嘻，拆蟹重任當然係師傅預先做啦！已去殼嘅香箱蟹肉橙白艷麗、幼嫩柔軟、鮮甜無比，底層嘅碎柳混入橙美嘅蟹膏及蟹籽即增強厚潤濕脆，正蟹確真無懈可擊！既然店名「東京肉しゃぶ家」用上「肉しゃぶ」（Niku Shabu）而起，理應為其專長，海陸大餐亦不可缺少涮涮肉！靚肉上枱前先要擺好嗰陣，滾熱辣嘅火鍋每二人一組，調味嘅芝麻醬、酸汁、蔥碎、蘿蔔蓉、薑蓉則每人一份，設備及配料都係咁齊全，絕對講究，且衛生非常。三款肉品為不同部份之和牛，單憑其獨特嘅紅白紋理已睇得出油脂分佈及比率有所不同。下圖中最多雪花嘅和牛薄片每人一大塊，半溶於口，係一種充滿犯罪感嘅美味！件數最多嘅牛脷因切得夠薄，於滾湯中拖兩拖已夠熟，入口軟腍帶微微韌度，同頭盤輕輕燒過嗰兩片牛脷完全唔同。最後兩件和牛看似厚身，但烚完縮埋水後就剛剛好，咬落肉質超級柔順軟滑，每個部位都各有特色。除咗和牛之外，涮涮鍋環節每人仲有一杯仔正菜及雜菌，每款均芳香輕盈。肉食中壓軸上陣嘅和牛壽喜燒拌蛋黃泡泡外表鮮黃亮麗，夠哂搶眼！經過蛋黃泡泡洗禮嘅和牛壽喜燒尤其芬芳香滑，咀嚼時壽喜燒嘅甜味慢慢散發進口腔，真係甜到笑架！單尾嘅一碗清湯麵品十分暖胃。其實食完碗麵大家都已經攬住個肚肚話飽，誰不知結尾仲有個香箱蟹飯，師傅攞個蟹煲show quali嗰一刻也太震撼同吸引了，順便提及到飯品混入咗醋醋可有助消滯，XO仔心諗幾大就幾大啦，放緊假一於去盡佢，飽極都要騰出空間食多碗飯！香箱蟹飯個飯底粒粒飽滿肥潤，以香箱蟹肉、蟹膏、蟹籽撈製，集齊爽脆鮮嫩清甜於一身，到暈呀！飯後當真冇位食甜品了，飲返杯熱熱嘅綠茶已夠舒暢。小店「東京肉しゃぶ家」簡潔企理，由友善好客嘅店主兼主廚掌舵，氣氛輕鬆溫馨，平安夜之廚師發辦和式海陸大餐精美豐盛，用材上盛，海鮮及和牛菜式均質高味佳，能於短短開業兩年間成為網紅熱店，絕對係實至名歸！ continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Show All 1 Reviews