我哋準時喺11點到達餐廳，已經好多人排緊
不過上網睇話間嘢本身坐到好多人，所以都放心咗啲。店門口同入面大概係咁
店員姐姐又靚把聲又溫柔
一坐低就比桶糖吸引咗
之後大家各自叫咗想食嘅主食先
我叫咗個南瓜湯，好香濃！好熱辣辣！足料到朋友一試就即叫多咗碗🤣
跟lunch set沙律，菜好新鮮，但無咩特別突出地方🤔 反而係餐廳自製嘅麵包好香軟，點南瓜湯食，一流
朋友叫嘅蕃茄海鮮意粉，個茄醬好夠味，意粉個火侯啱啱好，朋友瞬間秒咗成碟去😆
唔記得咩嚟，因為唔係我叫
就係呢個朋友見個跟餐嘅湯唔係南瓜湯，即order多碗🤣 呢杯記得應該係雜菜湯嚟，都好飲㗎！
我叫嘅白汁菠菜意粉，個白汁整得好香滑，好食到無記憶到底幾快秒咗碟嘢🤣
食完主菜之後，就係萬眾期待嘅pancake
落order嗰陣可以講定係食完先上，咁就唔需要等，一食完飲啖水就有得食
呢個係最基本嘅pancake，嚟呢啲排名店梗係要試試佢哋嘅基本功夫做得幾好啦
個pancake啲牛油香啱啱恰到好處，入口好鬆軟，個糖漿甜度啱啱好又滑溜... 仲要係非常大份，如果一個人食，叫1份呢個再加杯嘢飲係會好飽
然後我哋仲叫咗今期期間限定嘅薄荷朱古力pancake
賣相完美，就係呢張相吸引咗我哋嚟㗎
上面幾球薄荷色嘅其實係cream，實際上雪糕只係得2定3球，所以溶嗰陣唔會話成碟都係溶哂嘅雪糕👍
個pancake陣朱古力味好香，應該直接撈咗唔少朱古力粉入去，而味道本身係唔多甜，用黎點啲薄荷cream襯得好緊要
可惜嘅係呢個係期間限定pancake，想食嘅朋友應該無機會喇
最後大家各叫咗杯咖啡嘆埋去，但唔記得咗影😭
杯咖啡好香，就咁black都好易入口，好香無酸味，連平時唔多飲咖啡嘅我都覺得好正
除咗pancake之外，主食、湯同咖啡都好高質素，想食吓正餐同時又食吓靚pancake嘅話就要嚟呢間試吓喇
