Video
Read full review
2018-04-13
341 views
鮨ます田主理人増田さん係壽司之神小野二郎嘅徒弟，喺嗰套紀錄片有出現過嘅，有人話佢似奇落你為師，我就覺得唔似喇 🤣🤣🤣先講吓插曲先，餐廳好細，我兩個幾月前搵網店幫我預約時本身係約咗食晚餐，book 嗰陣我唔記得講指定要坐 bar 枱，好彩過一兩日上去 Tabelog 睇一睇，發現原來間餐廳得 6 個 bar 枱位 (其實得 5 個位)，所以都係再三叫佢哋幫我確認一吓係咪坐 bar 枱，回覆就緊係唔係啦 😆😆😆 咁搞搞吓最尾都約到同一日午餐時段，算係減少損失 😌😌😌用餐嗰日早 10 分鐘到，其實勁趕，因為玩貓玩到唔捨得走 😹😹😹 點知入到去得我哋兩位客人，到 12:01pm 另一位來自美國嘅客人先到，又到咗 12:20pm 另兩位西方客人又到，最尾嚟嗰兩個客人係坐個室，但其中一位話佢係有密室恐懼症，咁佢哋就話要 cancel booking，咁餐廳就緊係唔得啦，一路喺度大吵大鬧，最尾都係要課金 100%，我食住花生聽見都肉赤，因為呢餐真心堅貴 😭😭😭 其實就係可能有太多呢啲情況，所以搞到啲高級少少嘅餐廳根本唔想做遊客生意 😌😌😌講返食物，無可挑剔，前菜只有幾道，睇落普普通通，但食落又真係唔
先講吓插曲先，餐廳好細，我兩個幾月前搵網店幫我預約時本身係約咗食晚餐，book 嗰陣我唔記得講指定要坐 bar 枱，好彩過一兩日上去 Tabelog 睇一睇，發現原來間餐廳得 6 個 bar 枱位 (其實得 5 個位)，所以都係再三叫佢哋幫我確認一吓係咪坐 bar 枱，回覆就緊係唔係啦 😆😆😆 咁搞搞吓最尾都約到同一日午餐時段，算係減少損失 😌😌😌
用餐嗰日早 10 分鐘到，其實勁趕，因為玩貓玩到唔捨得走 😹😹😹 點知入到去得我哋兩位客人，到 12:01pm 另一位來自美國嘅客人先到，又到咗 12:20pm 另兩位西方客人又到，最尾嚟嗰兩個客人係坐個室，但其中一位話佢係有密室恐懼症，咁佢哋就話要 cancel booking，咁餐廳就緊係唔得啦，一路喺度大吵大鬧，最尾都係要課金 100%，我食住花生聽見都肉赤，因為呢餐真心堅貴 😭😭😭 其實就係可能有太多呢啲情況，所以搞到啲高級少少嘅餐廳根本唔想做遊客生意 😌😌😌
講返食物，無可挑剔，前菜只有幾道，睇落普普通通，但食落又真係唔同層次，最正係魷魚，太刀魚勁肥美 😋😋😋 櫻鱒輕輕 smoke 過。到握壽司喇，除咗赤貝仲係太凍，小肌太酸之外，其餘都好好，尤其係中トロ，不得了 😲😲😲 最尾追加咗一件縁側，咁爽口有𡁻頭得來唔 un 嘅真係第一次 👍🏼👍🏼👍🏼
要注意嘅係：
午餐索價 ¥28000 未計稅得 6 道前菜加 13 件壽司就緊係超貴啦，但你話值唔值？我又覺得值。又老實講，我又真係寧願食其他名氣冇咁大但又平一大截又好質素嘅餓媽加些。但首先要 book 到同質素好先，因為都試過小伏 😂😂😂
因為係次郎流 (未食過，所以係抄考) 所以醋飯係偏向酸度高，而且用料亦算係非常傳統保守，即係話雖然係 omakase，但十幾件壽司入面點都有 70% 係老是常出現咁 😅😅😅
可能冇其他本地客同師父吹水緩和吓節奏，又因為只得 3 個客，只能輕微溝通，主要都係講吓呢件係乜魚咁，所以用餐節奏都算快，又係由坐低到走都係一個鐘多啲。本身都有考慮過次郎另一徒弟青空，但聽其他人講佢係嚴肅到爆，雖然我唔會大聲講大聲笑，但我都要相機食先嘛 😄😄😄 當然要問準先影同快手影啦。午餐同晚餐同價，所以午餐其實有啲唔扺。
到埋單時見到坐我隔離嘅客人要俾 6 萬 4 千幾 ¥ 嗰吓我堅嚇到呆咗 😱😱😱😱😱😱 因為大家食同一樣嘢，佢只比我叫多咗一支啤酒，我同佢都只係追加同一件縁側，我心諗，唔通件縁側要兩萬幾三萬 ¥？！？！心諗死喇 😨😨😨 之後佢自爆原來佢太太唔舒服冇嚟，所以照 pay 二人價錢，但佢一粒聲都冇出，嗰吓我覺得佢真心型 👍🏼👍🏼👍🏼 俾著我就叫師父全部打孖嚟 🤪🤪🤪🤪🤪🤪 佢話呢間係佢公司嘅員工介紹佢嚟，咁我明啦 😀😀😀
埋單 ¥63720 / 兩位。
Michelin：⭐️⭐️。Tabelog：17，4.27/5。
26 views
0 likes
0 comments
23 views
0 likes
0 comments
27 views
0 likes
0 comments
34 views
0 likes
0 comments
46 views
0 likes
0 comments
54 views
0 likes
0 comments
Post
