新宿焼肉 牛たんの檸檬

Open Now

Now Closed

原本出發前一星期先打算在OpenRice 預約呢間餐廳，但因為太遲訂吳到，諗住食吳到，但我冇放棄，好幸運之後有一日好偶然比我再睇下，竟然可以執死雞執到其他朋友先前預約但放棄放返出嚟嘅期，比我訂到幾日後嘅日期，非常開心，所以當日去到餐廳不用排隊，到達餐廳後便可即時進入坐下，我選了一個牛柳牛舌雙併加魚子雞蛋丼飯套餐，套餐還配備沙律及有肉的咖喱汁，牛舌湯，有生雞蛋的醬汁，另外我又點了一杯檸檬水，餐廳會提供半個檸檬比你人手榨汁，非常搞鬼又闊綽，但其實套餐本身已經有一大杯冰綠茶包埋，所以最後飲品飲吳哂，但整個套餐份量都好大，魚子丼飯好大碗，食得好滿足，牛舌亦好稔好嫩滑，加上厚切口感非常好，好有牛肉味，總括呢一餐係真心好食及值回票價，值得推介！