唔知大家有冇一聽到開關就開心到即刻幫手「癱瘓」航空公司網站去買機票「返鄉下」呢？雖然大熱直航點東京、大阪呢啲好快已經「升價十倍」，但相信仍然無阻大家嘅決心！買完機票，當然要Update吓呢兩年多咗幾多新嘢，去東京嘅話就唔使多講一定要去流行集中地——表參道啦！點樣安排一日行程同食盡啲？等我咃當地編輯介紹返~
bills 東急プラザ表参道原宿 
正所謂一日之計在於晨，食份又豐富又靚又好味嘅早餐真係好重要！而呢份世一早餐，大家可以喺表參道Tokyu Plaza 7樓嘅 bills搵到，兩個人去，一個人叫份鹹食 (譬如係澳洲全日早餐)，另一個叫份招牌香蕉蜂蜜奶油鬆餅就剛剛好！如果朝早排隊等太耐，可以考慮喺網上預約晚餐時段時間，人少啲分分鐘仲可以坐到表參道店嘅人氣「圖書館」位！
San Francisco Peaks
曾於2021年獲選為漢堡百名店嘅San Francisco Peaks店內裝修空間感十足，唔少小裝飾都佈置到極有美國西海岸嘅感覺。2樓設有露台座位，喺呢個位置度拍嘢食、拍當日穿著又同室內唔同風格，天氣好時仲可以吸收下維他命D！至於嘢食，呢度有美式漢堡包、熱狗、西多士同牛奶鬆餅等，漢堡同熱狗款式甚多，而且漢堡肉同香腸都係店家自家製，好多食評都話佢哋做得到麵包外皮酥脆而內餡又香多汁！漢堡口味推薦揀牛油果/阿根廷青醬，而熱狗就可以揀墨西哥辣醬煙燻芝士 / 甚有挑戰性嘅鹿肉！留意返正常版係有跟薯條，如果本身比較細食或想留肚食埋甜品同飲手工啤嘅就揀迷你版啦！
Cafe & Dining ZelkovA
下一餐當然唔係晚餐，而係下午茶！！呢間餐廳佈置到成個歐式花園咁，採光極好，無論係嘢食定人都係咩角度影都靚！2022年更係佢哋開業5週年，現正推出特別下午茶套餐，偏高貴款又有，走可愛路線食埋「哈囉喂」主題都有！講真如果唔係話一大班人驚食唔飽，上面間意式餐廳可以直接SKIP嚟食呢間。佢哋嘅「Prefix lunch」套餐 (3,500円) 主打健康食品，當中更有素食Menu可供選擇㖭！最後提提大家，佢哋設有網上預約，Book定先就唔驚有得睇冇得食啦~
Source
▼2023 Christmas Sweets Collection 11/1~12/25, 11:30-17:00
焼肉うしごろ 表参道店
有留意開日本旅遊討論區嘅朋友相信對燒肉品牌「Ushigoro」呢個大名都唔陌生，而且都應該清楚位於西麻布嘅本店有幾一位難求！如果唔係有特別要求一定係去本店，其實揀喺表參道分店都好方便，而且呢邊除咗一樣有高級A5和牛食仲有分店限定菜式，揀過嚟享用晚餐幾乎全程都有人服務，店員又會好盡力咁介紹菜式，成餐飯大家可以放鬆心情負責擘大口食靚肉就得，完全唔使擔心唔識燒之餘，拎咗全日戰利品嘅手都終於可以休息！
MERCER BRUNCH TERRACE HOUSE TOKYO
有飯前飲杯嘢習慣嘅話，搵個睇到靚靚日落景或夜景嘅地方就至關緊要喇！好似呢間有室外座位，又位於大廈天台可以望到聖葛蕾絲大教堂，仲要行2分鐘就到表參道B2出口，真係諗唔到有咩理由拒絕入去囉~
另外呢度嘅環境佈置都適合慶祝特別日子嘅，大家可以喺度鋸埋扒甚至叫個配咗香檳嘅「Prefix Share Plan」(6,500円)套餐慢慢歎。
Source
Source