唔少人返鄉下嘅時候都會專程去試一試正宗燒肉放題，皆因性價比高而且肉嘅種類又多！但係花多眼亂唔知揀邊間好？日本小編就為大家嚴選5間東京人氣燒肉放題餐廳，位置方便，去擦返餐啱哂。
神保町食肉センター供應嚴選和牛同豬肉，目前有兩間分店。從開業起不斷改良自家秘製醬汁，醃過嘅肉入味之餘完全冇肉腥味，仲帶出咗食材嘅最佳風味添。放題只限午市供應，食45分鐘只係950円，非常抵食，所以每日都吸引好多本地人一早去排隊。想平食靚燒肉就要早啲到啦~
另外姊妹店新宿食肉センター 極嘅「網油包豬肝」係唔少食家嘅推介菜式，鐘意食內臟嘅話必試。
肉屋の台所「肉屋的台所」 以涉谷為中心開咗9間分店，專門提供高級黑毛和牛放題，價格由3,000至5,000円不等，而且餐廳嘅和牛都係成隻入貨，保證和牛品質。其中最特別嘅要數5,000円食150分鐘嘅「肉芭菲放題」，份份肉都擺到成杯芭菲咁，呃like一流。
炙屋 武蔵
呢間位於銀座嘅燒肉店主打A5和牛放題。「極上和牛食べ放題」有牛舌、牛肋骨等，仲有平時食唔到嘅和牛部位可以揀，最特別係和牛壽司都係任食㗎！價錢係男士6,200円/女士5,200円，限時90分鐘。另外呢度嘅牛肉他他亦都好受歡迎，雖然放題唔包，但有興趣不妨單點一份試吓。
延伸閱讀：嚴選京都必食5強拉麵