1
0
0
Level6
31
0
2019-05-03 30 views
神戶秋季天氣比香港寒冷得多,見日頭食完涮涮鍋,晚餐就安排去食火力更猛嘅燒肉放題。XO仔同樣喺日本飲食網頁中挑選咗間人氣店「三宮 炭火焼肉 新撰組」,並經酒店訂座。天黑後,店舖都有霓紅燈照明,故亦易搵得多。用餐大堂全為木造枱櫈,合併式散座每四人一個爐及一個抽油煙機。幸好九人早已訂座,有得坐房。廂房面積唔算好大,不過都有衣櫃擺放外衣及隨身物,唯一唔方便之處在於出入要上落,對年長嘅團友有點困難,同埋座位並無椅背,飲大兩杯會有啲危險。訂位時已經連九人嘅6,500円晚市套餐都定好,飲品包咗兩小時放題,可於限定飲品牌上任選,但每人每次只可以叫一杯,仲要飲完一手交一手,絕不容許浪費飲料。食物款式則全權由廚房決定,大家只需見野就燒,燒好就食。食前大肥爸爸又再一次為桌上嘅五角形筷子鼓掌。店內年輕嘅服務生都非常好客落力,由新炭燒起。。。到中途見火力唔夠即自動加炭,十分專業;不過最安心就係見到有位可用國語溝通嘅妹妹仔。打響頭炮先有海鮮拼盤,每人都有一隻鮮鮑、蝦及蜆,當中蝦隻爽厚脆身。靚靚媽咪三姊妹全為隱世廚神,燒野當然係難唔到佢地啦,不過細佬真係冇諗過佢地可以就地取材,大玩清酒燒蜆及清酒鮑魚!嘩,清酒猶如畫
Read full review
神戶秋季天氣比香港寒冷得多,見日頭食完涮涮鍋,晚餐就安排去食火力更猛嘅燒肉放題
。XO仔同樣喺日本飲食網頁中挑選咗間人氣店「三宮 炭火焼肉 新撰組」,並經酒店訂座。天黑後,店舖都有霓紅燈照明,故亦易搵得多。用餐大堂全為木造枱櫈,合併式散座每四人一個爐及一個抽油煙機。幸好九人早已訂座,有得坐房。廂房面積唔算好大,不過都有衣櫃擺放外衣及隨身物,唯一唔方便之處在於出入要上落,對年長嘅團友有點困難,同埋座位並無椅背,飲大兩杯會有啲危險
。訂位時已經連九人嘅6,500円晚市套餐都定好,飲品包咗兩小時放題
,可於限定飲品牌上任選,但每人每次只可以叫一杯,仲要飲完一手交一手,絕不容許浪費飲料。食物款式則全權由廚房決定,大家只需見野就燒,燒好就食。食前大肥爸爸又再一次為桌上嘅五角形筷子鼓掌
。店內年輕嘅服務生都非常好客落力,由新炭燒起。。。到中途見火力唔夠即自動加炭,十分專業;不過最安心就係見到有位可用國語溝通嘅妹妹仔
。打響頭炮先有海鮮拼盤,每人都有一隻鮮鮑,當中蝦隻爽厚脆身。
海鮮拼盤
8 views
1 likes
0 comments
靚靚媽咪三姊妹全為隱世廚神,燒野當然係難唔到佢地啦,不過細佬真係冇諗過佢地可以就地取材,大玩清酒燒蜆清酒鮑魚
!嘩,清酒猶如畫龍點睛,令本身甜甜嘅蜆隻鮑魚更為鮮香醇美,掂呀!接著嘅牛脷連肥膏方塊及檸檬上。哥哥熟巧地於燒板上塗上肥膏,邊燒邊滴上檸檬汁,燒出黎薄薄嘅牛脷爽潤帶脆,美味得很
!食完海鮮牛脷,妹妹仔隨即送上爽脆惹味嘅生洋蔥沙律,一解熱氣。全晚之最一定要數紅白紋理分明,且色澤鮮美嘅六式和牛拼盤!由於和牛不同部位嘅質感有所不同,師傅就預先切成不同形狀供貴客享用,明顯製作絕不馬虎
和牛拼盤
4 views
1 likes
0 comments
分開兩碟上嘅六款和牛鬆軟多汁,肉香鮮甜,確真冇得彈
!除咗和牛之外,套餐其實仲包有豬肉雞肉,質素唔係差,只係當食完和牛先上就難免會覺得比唔上。。。每份餐都包咗熱湯一碗,不過家人都情願飲多兩杯酒
,結果就邊個想飲先續碗叫。相信讀者們都未必估得到壓軸上場嘅會係內臟拼盤,內含腸臟豬腰,咬落索索聲,姨丈同小肥都食得勁興奮
!神戶地道燒肉店「三宮 炭火焼肉 新撰組」雖則面積不大,但勝在氣氛輕鬆,服務稱心周到,6,500円嘅全包宴燒肉放題有六款正爆嘅和牛食,食物水準質高味佳,加埋兩小時任飲喎,抵玩到極呀!
5 views
1 likes
0 comments
5 views
1 likes
0 comments
6 views
1 likes
0 comments
5 views
1 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-11-12
Dining Method
Dine In
Spending Per Head
¥6500 (Dinner)
Recommended Dishes
海鮮拼盤
和牛拼盤