1
0
0
Additional Information
https://www.at-ml.jp/71824/
Opening Hours
Mon - Sun
11:00 - 16:00
17:00 - 22:00
3rd Wed of every month
Closed
Above information is for reference only. Please check details with the restaurant.
小表弟啱啱搬咗去大阪工作，得悉XO仔與姨媽們會到訪，一早就約定搵晚一齊去食燒肉，地點就由地頭蟲揀咗去間方便佢一家四口嘅「ぜろはち」（Zerohachi）。餐店位於「OCAT」大阪市區航站中心內，方便又易搵。店子門外已可見到有關120分鐘之燒肉放題簡介。並講及所提供之神戶和牛榮獲金牌，似乎都幾有來頭。海報有型男福山雅治推廣朝日啤酒，不用多想小肥已決定啤啤佢，希望飲多幾杯可以變到福山咁型到凍齡。由於表弟有兩位小朋友，大大小小加埋有成十三人，佢一早就訂定套餐，仲包咗間有四張卡位嘅廂房，好等大家可以食得舒服啲，細路仔又可以有更多活動空間。佢所點嘅「赤コース」晚市放題套餐分咗三個價格：小童為540円/位、成人為2,678円/位、六十歲以上嘅長者則為2,138/位，均可從指定餐牌上任意點選食物及飲品。細佬同兩位小姪仔姪女玩到忘哂形，之後先發現嗰晚自拍比拍食物照多，未能與大家分享燒肉之相片，還望讀者們見諒。長輩們啱啱搬完酒店有感疲累，唔多想飲酒，結果就冇要埋飲品放題，邊個想飲先續杯叫。「福山朝日萬歲！」燒烤比較熱氣，故燒前及途中都有點泡菜及沙律中和吓，其中泡菜香辣惹味，海苔沙律「わかめともみ海苔のサラダ」更加係鮮香爽脆，極為清新。燒肉大都未經醃過，貴客可於燒煮時或後自行混入桌上嘅八款調味料。當晚主攻大路嘅豬肉、牛肉及雞肉，最有意外驚喜就係鬆爽厚潤多汁嘅燒豬肉。食到差不多完場時，一位年輕嘅哥哥仔突然走入黎，估計唔係店主就係經理；佢話發覺十多人都唔係叫得太多野，擔心大家對食物有所不滿，傾咗兩句仲叫店員送上多片肥美柔潤嘅神戶和牛，其誠懇之態度實在令人感動。小表弟推介之「ぜろはち」散座闊落，而且非常衛生，服務更加係「一番」（Ichiban）！燒肉放題本身已夠價廉，長者及小童更可特享折扣優惠，絕對抵玩！
continue reading