焼肉　力丸 心斎橋店

Open Now

Now Closed

#20230224 ✈️📍 焼肉 力丸 心斎橋店 @rikimarushinsaibashi 中央区心斎橋筋２-1-32　ISビル4F——————————————————————————————#食べ放題 #プレミアム #120分制 ¥3780(税込) 🥢 #前菜💭 係日本食韓燒好似有啲奇怪，不過見網上好多人推介就即管試下😬7款前菜入面🐷最鐘意食個涼拌薯仔絲🥔食落口爽口，唔係平時薯仔啲粉粉口感，香港啲韓國菜餐廳好似都好少見. 🥢 #肉類💭 啲肉大部分都好高質，可以任食簡直超值🤤雖然有豬同雞，不過🐷都係集中食牛，首推個牛橫膈膜，好淋身，用炭爐燒特別香. 🥢 #甜品💭 其實甜品就得兩款😬款力丸招牌好正👍🏼有丸子🍡有雪糕🍦仲有熱辣辣新鮮出爐既鯛魚燒，好味😋另外款朱古力香蕉就簡單好多😅純粹朱古力同香蕉🍌結果🐷當生果咁食算，佢點餐時間最後10分鐘只可以每人叫一碟野，要留意喇😏.#大阪美食 #🐷衝出香港 #🐷在大阪 #🐷_食

今日和老婆往燒肉力丸食任飲任食炭火燒烤,牛扒,生肉片內質香濃入口即熔,朱頸肉食落有肉味,雞比肉肉質鮮嫩,除了燒肉外,餐廳有前菜和炸物,我們點了枝豆,炸雞和炸雞軟骨,枝豆食落鮮甜香脆,炸雞和炸雞軟骨炸得金黄,肉質爽口,餐廳我們加了任飲放題,可以任飯汽水和綠茶,最後甜品我們選了朱古力香蕉和綠茶雪糕,朱古力香蕉朱古力味道香濃,香蕉甜度適中,綠茶雪糕茶味香濃,兩小時炭火烤肉放題很有特色,職員服務細心,收碟甚快,我和老婆很滿意,食了一頓特色炭火烤肉放題

剛上星期到過，好後悔冇睇評價先到訪，從未吃過如此差既放題及牛肉，一到店，煙霧瀰漫，已覺抽風系統極差，心想，訂左位，算啦，博博啦，日本食店食物差極有限啦，放題有兩個價錢，我同友人點了貴些那隻，諗住可以多款選擇，看過餐牌點餐後，凱薩沙拉🥗得個樣，大大碟，但完全吾好味，到牛肉到來，已選「頂級」款式，牛肉味欠缺，仲有點放得耐既吾新鮮感覺，諗住叫「牛扒」諗住好好點......牛扒「鞋」到食吾落，最後同友人放棄點牛類，轉叫雞翼，一樣咁衰，只得雞翼本身味道，完全冇淹過.....放題本身有兩小時，但真的頂吾順食物質素，我地只食左一小時便放棄，極度後悔到過此店，會永久blacklist!

來到日本通常都會想起燒肉，因為一個人的關係什麼都想試所以決定去食放題！之前家人試過這家店也覺得不錯👍🏻所以我也去這家店！我大概下午五時半到店，也不算很多人👍🏻我決定食貴一點的餐那就什麼都可以食👏🏻限時兩小時！也有規定一定要點一杯飲品如果飲得多的話可以選擇任飲套餐！店𥚃有店員會講普通話所以比較方便！食物方面真的有很多選擇，而且用炭爐燒烤風味十足👍🏻個人非常推薦👍🏻可以爽一爽✌🏻✌🏻

呢間店不淪環境、服務態度、以至食物都超級差！！🤬🤬🤬去過日本咁多次，諗住是但去一間餐廳食都應該不會太差， 點知今次老貓燒鬚中晒伏！拎左8點位，見門口已經好多香港人等緊位，突然有一家大細嘅香港人走入去話book左8:15pm 想問依家有冇位，即刻比個店員話未夠鐘冇位比你仲要一手推番出去（連小朋友都照推！），其實真係好冇禮貌！！之後安排入座，一入到去我就知道中咗伏，成間店煙霧離漫，正常一間燒肉店嘅抽風系統都應該做好啲啦，可能戴左成日con,我對眼已經好唔舒服😵點餐時間，有2980同3480選擇（任食），最後點左3480個set,諗住可以有多d肉類選擇，點知又係一個伏，兩個人加埋都差不多消費10000 Yen , 但仲衰過吉野家的質素，有點貼錢買難受的感覺😣😣😣我係一定一定一定唔會再去！！永久blacklist! 奉勸各位, 如果係日本打算試任食放題前真係要諗清楚！

牛肉味道唔錯，甜品都好好味肉嫩，每個部位都唔一樣連菜都好唔錯，好鮮甜！加埋個醬，真係好好味服務態度都幾好！都係等左半個鐘就有位，正常要訂位個甜品🍮真係好👍🏿

知道要同老公嚟京都、大阪自由行鐘意食嘅我哋當然會喺香港做定功課睇下邊間餐廳好食啦，肥？返香港先減啦！上網見好多人推介呢間力丸燒肉放題，所以就一於出發前幾日上網預約同老公嚟試下，book左喺千日前嘅分店，因為呢間分店近心齋橋得嚟仲係用炭火燒嘅，老公話用炭火燒特别有風味。我哋畀預約嘅時間早15分鐘左右到4樓嘅接待處，見到門口有大概10個人喺到排度等緊位，我哋訂左位就唔洗等，待應即刻帶我哋去3樓用餐。我哋揀￥3480/人，可以任點餐牌上面110種肉類、燒物、蔬菜同食物，飲品方面我哋揀￥500/人，可以任飲無酒精嘅汽水同飲品。肉類嘅賣相全部都好吸引，全部望落都好新鮮，油脂分佈都均勻。自己用炭火燒幾多成熟自己控制，所有牛肉食落牛味都好濃，肉質非常腍滑，全部都係優質嘅牛肉，真係好快就回到本。另外，雖然餐廳有提供幾款調味料畀大家，不過其實唔洗點都已經好好味，埋單每人連稅都係HK$310左右，真係性價比好高的燒肉放題!最後提一提，用餐時間喺120分鐘，last order 就係90分鐘，另外如果有300g以上的剩菜時，餐廳會每100g加收￥100，所以大家唔好做大晒鬼呀！