Read full review
2017-09-20
1173 views
黎到旅程既第一晚，賴生一早Book定係道頓堀既《溫野菜》，帶好鍾意食菜既屈小姐黎食日本優質既農產品，而賴生就主攻黑毛和牛！務求食盡個放題！見到呢個門口，行入去搭lift上4樓就到啦！好方便，全層都係！用hotpepper 網上訂位之後，去到只係需要出示番訂座個email就可以入去啦，入到去都幾大，私隱度好高嫁，分和式同西式座位，西式就坐枱同櫈，和式就坐榻榻米，和式既好似冇咁舒服但有窗口景，一望落去就係道頓堀條河！每個座位仲可以落簾隔一隔，唔駛望到隔離枱食乜嫁！缺點就係成間舖都唔係禁煙嫁，好在抽氣夠勁同埋日本煙冇乜煙味！和式枱雖然係榻榻米，但其實有個窿比你放腳，好似平時坐櫈咁坐，只係冇椅背靠住。入席前要先除鞋，如果想去洗手間/行開行埋，外面就有對拖鞋比你用嫁啦，記得入席要除番對拖鞋先好入坐好之後，賴生同屈小姐就揀食邊個餐既放題，當然揀食黑毛和牛啦，我地2個都好鍾意食牛肉嫁！難得黎到日本當然要食黑毛和牛啦，比平D既價錢就可以食到黑毛和牛，一定要食多D啦！不過我地都係窮情侶，所以只係負擔得起次一級既4450 Yen版（已經爆好食啦），接下黎，就有120分鐘比你戰鬥，90分鐘就Last ord
見到呢個門口，行入去搭lift上4樓就到啦！好方便，全層都係！
用hotpepper 網上訂位之後，去到只係需要出示番訂座個email就可以入去啦，入到去都幾大，私隱度好高嫁，分和式同西式座位，西式就坐枱同櫈，和式就坐榻榻米，和式既好似冇咁舒服但有窗口景，一望落去就係道頓堀條河！每個座位仲可以落簾隔一隔，唔駛望到隔離枱食乜嫁！缺點就係成間舖都唔係禁煙嫁，好在抽氣夠勁同埋日本煙冇乜煙味！
和式枱雖然係榻榻米，但其實有個窿比你放腳，好似平時坐櫈咁坐，只係冇椅背靠住。入席前要先除鞋，如果想去洗手間/行開行埋，外面就有對拖鞋比你用嫁啦，記得入席要除番對拖鞋先好入
坐好之後，賴生同屈小姐就揀食邊個餐既放題，當然揀食黑毛和牛啦，我地2個都好鍾意食牛肉嫁！難得黎到日本當然要食黑毛和牛啦，比平D既價錢就可以食到黑毛和牛，一定要食多D啦！不過我地都係窮情侶，所以只係負擔得起次一級既4450 Yen版（已經爆好食啦），接下黎，就有120分鐘比你戰鬥，90分鐘就Last order, 但實際當然係更多啦
跟住就要揀湯底啦，我地可以揀2款湯底，賴生就揀左壽喜燒鍋，而屈小姐就揀左鰹魚鍋！2個湯底都勁好味嫁
A) 壽喜燒鍋：5⭐️
食肉必點既一個鍋，同所有肉都係最夾既，微甜既味道將每種肉既肉味提昇，又唔會遮到肉味，拌埋日本生雞蛋食，冇得輸
B) 鰹魚鍋：4.5⭐️
呢個鍋要加$100Yen先有得食，原因好簡單，佢係湯底度就放左幾塊鰹魚片一路熬湯，愈熬愈出味，配番溫野菜產地直送既蔬菜同菇類就最岩，因為如果落肉會遮到肉味呢！而濃郁既鰹魚湯味可以令蔬菜同菇更入味同鮮甜，不過要留意一點，會愈熬愈濃，到最後會有D過咸，所以要盡快食！
而體貼既屈小姐建議我地2個鍋分開食，壽喜燒就食肉，鰹魚就食菜，呢個建議超好，因為一落D黑毛和牛，個湯就即時好油lu，如果2邊都落肉，就會令D菜吸晒油，冇咁健康同好食lu!
黑毛和牛放題set
¥4450
81 views
0 likes
0 comments
當你揀好晒個餐同湯底之後，侍應會比份中英圖文並茂既Menu你，入面有晒你揀個餐可以食D乜，如果揀其他肉要幾錢等等，賴生果個已經係包晒咁濟，除左霜降黑毛和牛，要加$990 Yen 一碟！加一碟既話，我不如食上一級放題，任食啦
至於點追加野食呢⋯⋯就有少少唔方便，皆因佢唔似一般香港餐廳咁有個制比你叫侍應既，變左你好多時要出去搵佢/大聲叫日文既Su me媽些/等佢行過叫佢，所以面皮就要厚一點點！
最初黎既Set已經有碟黑毛和牛腩肉、赤城糯米豬五花、赤城糯米豬里脊肉片、竹筒雞肉丸、金滑菇、生菜，大白菜同冬瓜片，可以試岩先叫，或者一黎就睇餐牌狂叫 (當然唔好眼闊肚窄做大哂鬼啦~~~)
肉類篇：
1）黑毛和牛腩肉(左下)：5⭐️
望上去雪花好平均，係帶一條肥邊，一望就知係靚野黎，一落湯個湯就好油，但塊牛入口即溶，油脂豐富，帶牛肉味，係最肥美既肉，配上生雞蛋~ D牛肉味真係提昇2倍有多，而且仲更加滑！Yummy!
2）赤城糯米豬五花 (左上)：5⭐️
睇相望上去，好似好肥好肥咁，但食落去豬肉味濃郁唔騷，仲帶甜，真心好味，一D都唔似食緊肥膏嫁，不過今日我地既重點整治對象係黑毛和牛！
3）赤城糯米豬里脊肉 (左中)：4.5⭐️
呢塊望落就冇咁肥Lu，味道比豬五花更甜，但口感冇豬五花咁滑咁彈牙，感覺五花正好多（但邪惡好多）
4）竹筒雞肉丸：3.5⭐️
其實雞肉丸都係唔錯既，多汁，但相比肉既主角相差很遠，咬落去感覺較散，我地會選擇追加肉！
黑毛和牛肩(左), 黑毛和牛腩肉(右)
64 views
0 likes
0 comments
圖上左邊就係另一個部位既和牛-黑毛和牛肩，有好靚既雪花紋，冇腩肉咁肥咁滑，但牛肉味更濃，屈小姐比較鍾意食呢隻！！同埋實在太正啦！係日本食，連追加既牛肉都係一樣咁靚
6）美味牛：4⭐️
比黑毛和牛低一級既牛肉，不過根據網上資料美味牛係加工肉黎，肉質雖然冇黑毛和牛咁嫩滑，亦冇咁肥，但牛肉味比黑毛和牛濃只係始終係加工肉，都係食1-2碟過下癮就算lu
7）嚴選牛肉牛五花：3⭐️
餐牌上最低級既一隻牛，唔嫩滑，牛肉味亦冇黑毛和牛同美味牛咁正，但比起香港做同樣價錢（HKD$188-228)既肥牛優勝，至少~人地冇咁肥
8）嚴選牛肉里脊肉：3⭐️
同牛五花同級，但油脂更少，肉味優勝一點，但會較"UN"，假如點左嚴選牛肉放題（$2XXX yen)，建議食呢隻爲主
芝士明太子糯米粒雞肉丸
47 views
0 likes
0 comments
9）自選口味雞肉丸：3.5⭐️
同樣係竹筒雞肉丸底，不過今次有3種口味選擇，賴生揀左明太子芝士糯米丸版，Mix埋一齊之後落鍋煮熟，芝士同糯米丸都呈流心，幾正，但明太子味道就消失左。
肉類篇小總結：
假如你食同樣既放題，為左maximise我地既支出，個人建議：
黑毛和牛腩肉 > 黑毛和牛肩 > 赤城糯米豬五花 >赤城糯米豬里脊肉 > 美味牛 > 嚴選牛里脊肉 > 嚴選牛五花> 自選竹筒雞肉丸> 竹筒雞肉丸
當然次一級既都可以跟呢個原則，我地2個人Total食左15碟牛肉呢飽到好滿足！
前菜篇：
其實個放題有十幾種前菜選擇，有沙律同漬物等等，但賴生同屈小姐只係揀左其中2款⋯始終人腳少，不能食太多 否則食唔到太多肉
北海道馬鈴薯沙律
58 views
0 likes
0 comments
10）北海道馬鈴薯沙律：4⭐️
放題食薯仔？唔係掛，咪好飽囉？係，但北海道馬鈴薯係日本名物黎，一定要試一試。佢入口綿密細滑，食落口感拍得上薯蓉，而且薯仔味超濃，超建議食！ 可惜，如果溫野菜選擇用最普通既牛油燒一燒會更佳，應該拎到5⭐️。但佢用左魷魚漬物拌，雖然多份爽滑口感係好既，但隻魷魚漬物過咸⋯影響左⋯要扣⭐️
11）泡菜：3⭐️
偷偷地講你知，賴生其實好鍾意食泡菜既，貪佢香辣好送飯又開胃，不過⋯呢度始終唔係韓國，個泡菜得個樣，香同辣都唔夠，當食一食過下口癮啦
蔬菜及豆腐篇：
食得溫野菜，另一主打一定係佢地最出名既國產蔬菜，每日新鮮由產地運到，真係食得出既新鮮味道
什菜，豆腐，豆皮，糯米片
40 views
0 likes
0 comments
12）生菜，香菜，大白菜：5⭐️
每種菜都係勁新鮮，食落去每啖都超甜！屈小姐同賴生食左超多，起碼12碟菜
13）大蔥、洋蔥、蔥花、芫荽、洋蔥、紅蘿蔔絲：4⭐️
每樣都係甜，特別係大蔥同洋蔥，甜到一個點，又唔容易散，的確值得狂食 而且佢既香氣唔會嗆，怕食蔥同芫荽類既人可以一戰！
14）蘿蔔，冬瓜：5⭐️
瓜類切得好薄，好容易煮熟，淋身吸晒湯汁味，而溫野菜既瓜類本身又係勁清甜，一定要食一食
15）豆腐：4⭐️
溫野菜既豆腐夠滑，未至於到百福豆腐咁滑，但會滑過平時係街市買到既，而豆味就比2者都多，所以係高水準作品，不過單論豆味又比唔上絹豆腐，所以差1⭐️
16）豆皮：5⭐️
豆皮，原本係乾豆皮黎，唔係食開壽司果隻，唔會咁甜，但一浸湯一陣就會變軟，味道就黎自湯底，吸飽湯汁後就似一塊海綿皮咁，滋味滿分
17）糯米片：3.5⭐️
白色長方形超薄果塊就係黎，要小心控制火喉及小心照顧，否則會融化爛晒，煮熟左既時候，有糯米應有既煙韌香甜。
菇類篇：
什菌
53 views
0 likes
0 comments
18）金滑菇：5⭐️
難得可以食到金滑菇，一定要食啦，金滑菇比金菇菇味更重，但口感更滑既一隻類似既菇，可以話係高級版既金菇，要食多D！
19）金菇：4.5⭐️
食唔慣金滑菇既朋友（其實冇可能食唔慣），可以揀番金菇，一樣好味道，只係菇味冇咁濃同冇咁滑身
20）舞茸：4⭐️
正！超難得放題會見到既菇，對女仔好好嫁，有防頭暈作用，所以賴生不停餵屈小姐食 味道都唔錯，口感分會高D，因為成堆菇一啖咬落口，超爽！不過佢本身隻味食得多就未必人人鍾意啦
21）本菇：4.5⭐️
同舞茸差唔多既一種菇，不過勝在口感更嫩滑，彈口
22）香菇：4.5⭐️
超香既菇香，菇味濃郁，好值得食！
23）雞脾菇：4.5⭐️
切片上，新鮮彈牙！
菇類小品評：
就溫野菜放題黎講，菇類真心係一個必食既選擇，每種菇都產地直送，菇香菇味都濃郁，個人大推金滑菇，因為係比較貴價而又好好好好味既一隻菇，身邊有朋友成日見暈既，就食多D舞茸啦
主食篇：
對於主食，溫野菜都提供好多選擇比大家，有冷麵、烏冬、年糕、咖哩飯、白飯、素麵同馬鈴薯粉，由於賴生同屈小姐持續戰鬥得太耐，只可以揀當中3樣試
烏冬，馬鈴薯粉，芝士年糕丸
59 views
0 likes
0 comments
24）芝士年糕：1⭐️
當見到芝士年糕，屈小姐就會失去左理智，一定要食一食先安心，佢鍾意芝士夾心流心 (明顯係港女喜好)，芝味滿溢，同時要年糕煙韌，可惜呢粒係中伏丸，既無芝味又偏硬中間既芝士仲要係甜既
25）烏冬：5⭐️
有靚牛肉同菜，日本蛋同鰹魚湯底，冇理由唔整番個黑毛和牛牛肉烏冬食掛？令我地估唔到既係，溫野菜既烏冬係超好食呀，口感超滑又煙韌，比好多烏冬舖既麵質更佳！
26）馬鈴薯粉：5⭐️
因為好奇所以叫既一種食物，結果係大有驚喜！！！滑身得黎好Q彈，又係要整番一個黑毛和牛馬鈴薯粉食先夠皮
甜品篇：
頭痛啦！成8樣甜品揀，只可以一人揀一樣，唔知點解屈小姐明明話好飽再食唔落⋯但係一有甜品食就食得落既，唔通女性真係有2個胃既？ 對住咁多種甜品，賴生同屈小姐幾經辛苦先剔淨3樣，最後就忍痛決定要呢2款，等左15分鐘後，甜品就送到啦
紅豆抹茶蕨餅雲呢嗱雪糕
53 views
0 likes
0 comments
不得了，估唔到溫野菜連甜品都咁出色，抹茶蕨餅回甘濃烈，口感煙韌有致紅豆有微微甜味，紅豆味超出，高手既作品，唔會比甜味蓋過晒紅豆本身既豆味，至於雲呢嗱雪糕，雖然唔係滑身果隻雪糕，但勝在雲呢嗱味超濃⋯無論單食，定夾埋一齊食，每樣味道都互相輝映
杏仁布甸
35 views
0 likes
0 comments
一食落口係，哇哇哇！勁滑，自動流入喉嚨咁，更正既係超濃烈杏仁味 唔知呢碗野，用左幾多杏仁呢？爆正
總結：
雖然香港有溫野菜，但日本既溫野菜更高一個層次，點解？原因如下：
A) 日本價錢更優惠
B) 香港食澳洲牛，日本用既係日本本地牛肉
C) 蔬菜類新鮮度明顯日本優勝
所以黎到日本真係要食一次溫野菜放題先得!!
至於今次食完，屈小姐同賴生都好滿意，無論牛肉、蔬菜，主食同甜品都極其出色，如果可以，賴生希望下次黎帶屈小姐食最高級既放題！
#滿意既笑容
#滿足既肚肚
#水蛇春咁長既單
#有菜食好幸福
#有你一齊食更幸福
#超抵超值超開心既一餐
#與妳結伴出行出遊放肆食很快樂
Post
