焼肉 食べ放題 黒べこ屋 心斎橋店

Open Now

Now Closed

喺心齋橋附近搵到一間任食烤肉嘅餐廳，特別之處係用炭爐。未試過炭爐烤肉，呢度用嘅係長備炭，唔會聞到煙味，食咗大概個半鐘都唔使加炭，溫度唔會好高，牛肉唔會咁容易燶，又唔需要好長時間，牛肉就已經熟可以食得。呢度食到飽(放題)​​ 中間個價錢3980円都食到靚牛，有幾個唔同嘅部位，餐廳會先來一盤樣樣有的，每個部位大概有四件都係大件厚身，牛肉味濃。食來食去，始終最愛牛舌，encore咗兩次，薄切，燒一陣間就食得。另外有幾樣海鮮可以任點，蝦、元貝及魷魚，每次都係三樣一齊。仲有蔬菜都可以任點，茄子、南瓜、粟米、淮山及洋蔥。餐廳指定客人需要每人點一杯收費飲品，也可揀選1000円任飲，包括啤酒。