パブロ 道頓堀店 (Closed)

因為行得攰而中咗入去嘅Pablo竟然有驚喜！.一般食甜品我都唔會再叫甜嘢飲，因為會覺得好over，但呢杯芝士牛奶泡沫抹茶 ソルティチーズミルクフォーム抹茶 真係無得輸，各方面都調較得恰到好處，絕對唔甜，入面仲有類似抹茶果凍嘅嘢，真係令人一口接一口係咁飲！.plain迷你芝士蛋撻 ミニチーズタルトプレーン 配有雪糕和蜂蜜，味道就未有太大驚喜，始終都係漏咗少少，最後係食唔曬嘅.蜂蜜芝士多士 ハニーチーズトースト 又係非常驚喜之作，當你以為黑椒和甜品做唔成朋友，呢件多士卻話俾你知，少年你太年輕了，芝士蜂蜜故然好味，黑椒卻將整件事升華咗，令一件普通嘅多士增添咗靈魂。