Video
Telephone
06-6292-6029
Opening Hours
[月]
11:00 - 23:00（L.O. 22:00）
[火]
11:00 - 23:00（L.O. 22:00）
[水]
11:00 - 23:00（L.O. 22:00）
[木]
11:00 - 23:00（L.O. 22:00）
[金]
11:00 - 23:00（L.O. 22:00）
[土]
11:00 - 23:00（L.O. 22:00）
[日]
11:00 - 23:00（L.O. 22:00）
Above information is for reference only. Please check details with the restaurant.
About Reward Scheme
為方便父母可以飯後早啲返酒店執行李，臨離開大阪前一晚XO仔就揀咗喺離酒店只需步行八分鐘就到o既「焼肉の牛太本陣梅田店」食多次燒肉做晚飯。商場餐店好爆場，好在細佬早喺出發前於網上訂座，唔係肯定有排等。由於店內實在太迫人，座位冇得埃又唔係特別舒適，要影環境相絕對會影響到其他食客，還望大家體諒未有拍下。明白到全場滿座，服務生全都忙得團團轉，所以都好感激佢地仍可保持笑容及友善o既態度，四口子對餐牌及餐飲有咩問題都好有耐性咁回答我地，絕對值得一讚。酒牌有英語翻譯，簡單易明。諗食乜野前大家先各自點選酒品。肥肥家族於日本食飯全由小肥一人作主叫食物，一家人最易話為，所以細佬就點咗份燒和牛套餐「本陣セット」黎分，唔夠食先再追加飯麵。本陣セット（9800円）：本陣套餐包有火炙壽司三種、上生黑牛脷、五款特選牛肉、三式泡菜、燒野菜、及本陣沙律。本陣沙律清爽、三式泡菜惹味，燒野菜都好新鮮爽脆。五款特選牛肉均鮮紅美艷，雲石紋理紅白分明，食落有香軟、滑潤、嫩滑、爽薄，各有特色，可謂色香味俱全。三種火炙壽司如相般有六片生牛肉，另跟六粒細小o既壽司白飯球。食客只需燒煮牛肉至理想o既熟度，再連同白飯即可自製出火炙和牛壽司。火炙和牛壽司熱辣軟熟，白飯剛好中和牛肉o既油份，組合確真無敵。和牛大判ハネシタ焼きすき（590/枚）：由於本陣套餐中o既火炙和牛壽司太過出色，四口子都決定每人都要追加多一件配上蛋黃汁o既壽喜燒火炙和牛壽司。同為壽司飯另上o既壽喜燒火炙和牛壽司都係由客人自己燒煮和牛薄片。嘩，點上蛋黃汁o既壽喜燒火炙和牛壽司不單柔軟腍潤，入口仲要多咗份香滑，美妙極！黑毛和牛みすじ（1850円/90g）：講真肥肥家族對牛隻不同部位o既認識唔深，何況餐牌上全為日文，大家都只能單靠漢字挑選。厚身o既黑毛和牛みすじ五成熟仍好夠軟腍，食落又唔會成口油，非常好味。冷麵（550円/小）：冷麵為哥哥所點，見幾靚所以就影咗兩幅相。石鍋牛肉飯（650円/小）：細碗飯份量真係唔多，一個男人絕對唔夠飽，個人略嫌牛肉唔夠，質量亦不及自己燒嗰啲咁靚，建議大家如果真係有飯癮就叫碗白飯黎送啲靚牛肉。位於大阪市中心其中一間商場內o既「焼肉の牛太本陣梅田店」環境尚算企理，唯一人多較嘈，無椅背o既座位唔係咁好坐。幸好服務生態度友善，和牛高質美味，網上訂座憑券更可享九折優惠，唔怪得知整個商場只有佢地一家排哂長龍啦，抵佢咁旺！
continue reading