正正位於大阪站隔離嘅梅田，係每個去大阪旅行嘅遊客嘅一站式娛樂熱點。鍾意血拼嘅你可以去附近嘅大型百貨公司，例如非常出名嘅阪急、大丸、伊勢丹三越之類。而鍾意食嘢嘅你，不妨去下梅田較東面同埋南面嘅食街。鍾意影靚相嘅你，記住要影低梅田天空大廈同埋 Grand Front 大阪呢啲攞晒獎嘅有型大廈！
由1965 年本來只係整比員工食，到到而家成咗名，令到成個大阪都鍾意食嘅山田大蔥大阪燒一啲都浪不虛名。呢間舖頭嘅所有大阪燒都有另加¥200 嘅多蔥選擇。而除咗大阪燒之外，喺山田仲可以食到好多唔同嘅鐵板料理，例如炒麵，同埋鐵板煎魷魚、帶子、腸仔等等。食物格價介乎¥680 到¥1,800不等。由於山田超級受歡迎嘅關係，好可能要等一等先至有位坐！
View this post on Instagram
Negiyaki 山田 梅田 EST 分店嘅營業時間係每日 11:30AM 至 10PM。
除咗大阪燒之外，另一樣大阪名物係大阪炸物串。呢啲炸物串通常會有肉同埋蔬菜，而炸起上嚟一啲都唔油膩，反而有啲鬆軟嘅食感。喺梅田嘅米田店，你可以揀坐低食，又或者學啲忙碌嘅大阪人咁企喺bar枱度食。佢哋嘅炸物串一條格價介乎¥100 到¥220不等。蔬菜嘅選擇有蓮藕、洋蔥、南瓜等等，而海鮮同肉類就分別有鵪春蛋、帶子、八爪魚、砂囊、同埋明太子雞翼等等。記住呀，佢哋個秘傳之汁只可以點一次架咋！
View this post on Instagram
米田 梅田店嘅營業時間係每日 9AM 至 10:30PM。此店只收現金。
作為第一個將朱古力豆變成朱古力既鋪頭，Palet D’Or 提供多達50 款唔同嘅朱古力；有水果味嘅朱古力，亦都有用清酒造嘅朱古力。當然，你亦可以品嚐其他甜品，例如馬卡龍、蛋糕、芭菲、軟雪糕、同埋唔同飲品。Palet D’Or 嘅裝飾非常優雅同埋舒適，加上落地玻璃對住極繁華嘅梅田區，好容易就會喺度度過一個悠閒嘅下午。喺Palet D’Or 嘅消費大多介乎¥1,000 到 ¥2,000不等
View this post on Instagram
Palet D’Or Osaka 嘅營業時間係每日 11AM 至 8PM。
Échiré Marché au Beurre 係採用法國西部 Échiré 小鎮嘅超軟熟嘅牛油嘅餅店。佢哋最受歡迎嘅產品包括有牛油曲奇餅 (¥216 一塊)、法國焦糖奶油酥 (¥398 一個)、牛油忌廉卷 (¥324 一個)、奶黃醬泡芙條 (¥1,890 五條) 同埋雪糕 (牛油味同焦糖味 ¥562; 提子乾味 ¥724)。當然啦，佢哋仲有賣唔同大細嘅高級牛油，有啲仲冇用食鹽嘅添 (價錢介乎¥432 到 ¥2,473 不等)！呢間舖頭不設座位，只有外賣。
View this post on Instagram
Échiré Marché au Beurre 嘅營業時間係星期日至四 10AM 至 8PM，星期五、六 10AM 至 9PM。