日本出名有好多甜嘢同得意嘢，但係好少地方比你狂食甜品！今次等我地帶你去位於因可麗餅、彩虹棉花糖同埋家樂B 薯片而超有人氣嘅原宿，探訪傳奇嘅Sweets Paradise啦！
一千円就可以任食甜品！
Sweets Paradise嘅套餐一共有三款：基本套餐 (50分鐘 ¥1,080) 只係包你任食蛋糕甜品、標準套餐 (70 分鐘 ¥1,300) 就有得俾你任飲自家製嘅果茶同埋果汁、仲有咖喱飯、沙律、意大利粉比你揀！而最頂級嘅套餐 (80 分鐘 ¥1,500) 就有得任飲任食所有嘢，兼可以任食Haagen Dazs 雪糕！
無論你揀邊個餐，一行入去個舖頭度都應該會感歎喺你眼前包羅萬有嘅甜品種類！單單講蛋糕已經有40幾款，而最受歡迎嘅包括有士多啤梨， 紅梅，同埋朱古力味嘅蛋糕。呢度嘅蛋糕全部都非常有口感，擺設得好靚。
接住落嚟有布甸同埋慕絲。焦糖布甸同埋朱古力慕絲呢啲必食就不在話下啦，但係呢度嘅得意之處係有好多topping 比你揀。乳酪、椰果、咖啡啫喱、芒果啫喱、湯丸... 想要咩配料就有咩配料！
食得甜品又點可以唔食雪糕呢。冇買有得食Haagen Dazs 嘅朋友唔洗失望，因為普通嘅套餐都有雲呢拿同埋朱古力味嘅軟雪糕食架。雖然Haagen Dazs嗰個套餐係貴啲，但係係抵食的，因為你可以不斷試新奇口味，例如：黑芝麻、藍莓芝士蛋糕、蕃薯、北海道南瓜同埋榛子味等等。
除咗甜品之外...
其實Sweets Paradise唔單止係一個平靚正嘅甜品熱點，佢仲可以係一個幾好嘅食晏地方，因為佢哋仲有提供咖喱飯、意大利粉、湯、同埋沙律比標準套餐以上嘅顧客食用。好玩之處在於你可以自由配搭意大利粉嘅汁， 分別有明太子忌廉汁、肉汁、番茄汁、香蒜辣椒汁同埋拿破崙汁。
如果你係諗住去Sweets Paradise食埋晏嘅話記住要睇住時間，因為又要食鹹嘢，又要食甜嘢其實唔係好多時間架咋！
咪話我唔提你
Sweets Paradise 係一個超級受鍾意食甜嘢嘅人歡迎，所以幾乎成日都會排長龍。唔想對住櫥窗裏面嘅仿製食物流口水嘅話，最好就係預約入座。
當到你入座嘅時候，職員會叫你用佢哋嘅機器買飛。小心啲賣喎，因為同一個餐有分大人飛同小童飛架。而三歲以下嘅小朋友係免費入場的，所以一家大細都入得，幾好！
東京分店
大阪分店
京都分店
你亦可能鍾意：
Shibuya Dagashi Bar 鐘意懷舊零食嘅你不妨入一入呢間舖頭，食番個昭和時代嘅零食放題！ 單單 ¥500 就可以食到日本小朋友一定食過嘅零食，例如有朱古力煙仔、魷魚絲、同埋爆炸糖等等。
呢間高級甜品放題更加比你品嚐到烤牛肉、西多、同埋馬卡龍等等嘅比較貴架嘅嘢食。下次你去東京晴天塔嘅時候不妨嚟呢度食番餐！View this post on Instagram
View this post on Instagram
Bittersweets Buffet充滿自家製嘅甜品放題。如果你去果度食晏嘅話，更可以品嘗到佢哋嘅漢堡包、沙律、意粉同埋牛扒。最得意嘅係你仲可以設計獨一無二嘅芭菲。
View this post on Instagram