1
0
0
Level3
30
1
食完左雪糕多士之後,要正式食個Lunch,醫一醫肚先,離開左有蓋廣場之後,我地又冒住大太陽繼續出發,向住渡月橋方向前行大約1分鐘就見到個分叉路,向左轉入去探索30秒,就會見到我地今次嵐山之旅既主角 - 賣嵯峨燒同葛切粉既地方只要行到見到門口有塊白布大大個字住嵯峨燒就係嫁喇,不過呢....入門口就有少少困難,個梯級好高,著住浴衣好難行上去呢....!入到去之後,間餐廳冷氣好勁呢,真係要入黎歇一歇,枱櫈都係用木嫁,幾有日式風味,而且老闆娘仲安排左個窗口位比我地坐,外面有個和式園景嫁!!勁正!!日式風味即時爆燈!!坐低之後,店員即時奉上2杯冰水,炎炎夏日,飲杯冰水真係透心涼。為身體同頭腦降溫之後,我地就打開個menu睇下有咩食啦!不過我地之前一早做左research,目標係人氣既嵯峨燒同黑糖葛切粉! 一熱一凍,正!!過左15分鐘左右,2份野食都到左啦!! 影番張靚相先!! 其實屈小姐同賴生好鍾意食大阪燒之類既物體嫁,所以呢個嵯峨燒都好合我地既心意!!1) 嵯峨燒:4.5⭐️究竟咩係嵯峨燒呢?  嵯峨燒有D似大阪燒,由2層粉漿煎成,上面仲塗上一層大阪燒既燒烤醬,再放芝麻同紫菜!! Yummy!!
Read full review
食完左雪糕多士之後,要正式食個Lunch,醫一醫肚先,離開左有蓋廣場之後,我地又冒住大太陽繼續出發,向住渡月橋方向前行大約1分鐘就見到個分叉路,向左轉入去探索30秒,就會見到我地今次嵐山之旅既主角 - 賣嵯峨燒同葛切粉既地方

4 views
0 likes
0 comments

只要行到見到門口有塊白布大大個字住嵯峨燒就係嫁喇,不過呢....入門口就有少少困難,個梯級好高,著住浴衣好難行上去呢....!


10 views
0 likes
0 comments

20 views
0 likes
0 comments

入到去之後,間餐廳冷氣好勁呢,真係要入黎歇一歇,枱櫈都係用木嫁,幾有日式風味,而且老闆娘仲安排左個窗口位比我地坐,外面有個和式園景嫁!!勁正!!日式風味即時爆燈!!


22 views
0 likes
0 comments
31 views
0 likes
0 comments


坐低之後,店員即時奉上2杯冰水,炎炎夏日,飲杯冰水真係透心涼。為身體同頭腦降溫之後,我地就打開個menu睇下有咩食啦!不過我地之前一早做左research,目標係人氣既嵯峨燒同黑糖葛切粉!
 一熱一凍,正!!

嵯峨燒(左) x 黑糖葛切粉(右)
¥1296
27 views
0 likes
0 comments


過左15分鐘左右,2份野食都到左啦!! 影番張靚相先!! 其實屈小姐同賴生好鍾意食大阪燒之類既物體嫁,所以呢個嵯峨燒都好合我地既心意!!


嵯峨燒
¥648
7 views
0 likes
0 comments

1) 嵯峨燒:4.5⭐️


究竟咩係嵯峨燒呢?  嵯峨燒有D似大阪燒,由2層粉漿煎成,上面仲塗上一層大阪燒既燒烤醬,再放芝麻同紫菜!! Yummy!!
入面就有好多種切到好碎既材料,包括蔥、酸薑、蛋、蒟蒻同鳴門卷等等。

嵯峨燒
¥648
7 views
0 likes
0 comments

你睇下打開有幾厚,入面幾多料,脹卜卜嫁! 隻雞蛋響正係個嵯峨燒既正中間,一吉入去呢,隻蛋係半熟,呈流心狀態嫁!! D蛋黃汁流晒出黎!!
而且入面勁多蔥,超香!! 仲有酸薑粒同蒟蒻粒,一個就酸酸甜甜,開胃又令整體味道複雜有層次D,QQ彈彈既蒟蒻粒就有口感!! 好好食!




黑糖葛切粉
¥648
26 views
0 likes
0 comments
2) 黑糖葛切粉: 爆5⭐️


呢個葛切粉極級推薦無論味道與口感都係極其出色,登鋒造極!! 食法就係葛切粉先點黑糖,再點黃豆粉!!  一碗入面有8粒,全部浸係水入面,保持冰涼!! 每粒葛切粉表面都好滑溜,而內裡就好似蕨餅般煙韧。再者,表面光滑既平面容易將水份卸去,等你唔會因為平面過濕點黃豆粉時,令剩餘既黃豆粉濕晒,同時又唔會點得過多既黃豆粉! Perfect!!


至於極致既味道,就要歸功於碟黃豆粉同黑糖!!


首先,碟黃糖粉未點已經聞到陣陣黃豆香,而且係純黃豆粉,無溝糖,所以點落去既時候豆味好濃,仲食到烘培過既味道!! 正!!


配以微甜既黑糖漿,味道唔會得個死甜,而係有黑糖本身既微妙既微苦味道,同黃豆粉既味道互相輝映!! 由豆味,到微苦味至甜味,味道真係不得了!!




總結:

假如黎到嵐山,都應該黎呢間舖食一次,本來份屬名物既嵯峨燒應該只係配角,真正既主角應該係黑糖葛切粉,果3種味道既配合,天衣無縫!!


#食到疑似大阪燒
#黑糖葛切粉真心不得了
#愛QQ蕨餅口感既賴生

#第一次肆無忌憚咁點糖食
#皆因唔會過甜
#Yummy!!
#著浴衣行樓梯既苦惱
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-09-09
Dining Method
Dine In
Spending Per Head
¥648 (Lunch)
Recommended Dishes
嵯峨燒(左) x 黑糖葛切粉(右)
¥ 1296
嵯峨燒
¥ 648
嵯峨燒
¥ 648
黑糖葛切粉
¥ 648