モリタ屋 JR京都 伊勢丹店

Open Now

Now Closed

去旅行揀地方食飯，不外乎經親友介紹或跟隨旅遊網、書籍或雜誌推廣。舊年遊京都時，第一個午餐就去咗超閃旅遊書介紹o既「モリタ屋」（Moritaya）；全因為睇到於明治二年創業o既餐店擁有自家牧場，壽喜燒及涮涮鍋均只限供應極品京都和牛。「モリタ屋」共有三間分店，細佬當然係挑選咗間離酒店最近，唔洗行出街，步行只需五分鐘o既「JR京都伊勢丹分店」啦！雖然人多要訂位兼訂埋指定午市套餐，幸得酒店幫忙，XO仔又預足時間，來回幾次電郵迅即搞掂，極之簡易。九人仲被安排入座窗邊最佳位置，一邊進食可一邊欣賞藍天白雲下o既京都鐵塔及靚景，真爽！店子午市套餐可選牛扒、壽喜燒、涮涮鍋、或油燒，價格以和牛級數而定。深知家人都怕極級和牛超強o既油份，故小肥亦只為各人揀咗中間價位o既「松」及「竹」。原本全部人都要點食同一款套餐架，好彩酒店成功爭取到四加五o既組合，家人方才可以分批試壽喜燒及油燒京都牛，當真感激酒店及餐廳雙方都咁通情達理！翻閱桌上o既餐牌時，發現原來午市仲有個「最高的飯菜」之「極み」（一人前 10,260円）午餐，包齊五色冷盤、和牛頭盤、和牛壽司、特選壽喜燒、涮涮鍋、油燒、湯、飯及甜品。不過講真除咗肥肥家族