無論你係諗住同你嘅另一半去浪漫約會，又或者同成班朋友聚會，又或者想一家人食餐飯，木屋町都可以滿足晒你嘅願望。木屋町區域沿鴨川跨越京都嘅南北面，總共長達一公里。一面嘅木屋町滿載懷舊風情，另一面比較現代，被一間又一間嘅熱鬧食店包圍住。一如以往，OpenRice有幾間餐廳想介紹比我哋親愛嘅讀者！
bout. 
今時今日左近太郎位於嘅傳統日式建築物嘅前身係一間料理旅館，所以閣下請放心，喺左近太郎食到嘅料理會係正宗高級嘅和式料理。如果你係春天開櫻花嘅時候嚟左近太郎嘅話，更可以由餐廳入面觀賞到河上嘅櫻花。
左近太郎所採用嘅材料全部都係季節性嘅，而佢哋更加可以為你嘅用餐預算度身訂造獨家菜單。非常受顧客歡迎嘅分別有松花堂便當(¥2,500) 同埋高級A5和牛套餐(¥8,000)。嚟得京都就應該對自己好啲，你仲等乜嘢？快啲訂位啦！day.
この投稿をInstagramで見る
左近太郎嘅午餐時段為每日11：30到下午3點。晚餐時段為星期一至六嘅下午5點到晚上10點；星期日同公眾假期則為下午5點到晚上9點。想食松花堂便當一定要提早預訂。
きよきよ嘅位置可能有啲難搵，但當你搵到佢之後，包保唔想走。除咗京都名物おばんざい家庭式小食之外，きよきよ更有提供火鍋，天婦羅，同埋粥粉麵飯。きよきよ嘅菜式價格由¥450 到 ¥950不等，但最醒目嘅就梗係下午3點到5點去享受佢哋嘅開心時段¥300飲品啦！きよきよ嘅七彩繽紛水果雞尾酒當然吸引，但佢哋用宇治綠茶同埋鰹魚培製出嚟嘅牛脷嘅鎮店之寶，你唔係唔試下哇？
きよきよ場地為開放式，最啱就係比你包場開趴地。人數由10人至20人均可。
この投稿をInstagramで見る
きよきよ嘅營業時間為每日下午3點到晚上11：30，開心時段為下午3點到5點。
法式甜品蒙布朗蛋糕喺日本已經hit咗一段時間，但係喺2019年新開張嘅栗子專門店 沙織將蒙布朗蛋糕推上人氣高峰嘅最高處。當店最出名嘅蒙布朗蛋糕(¥2,200) 被闊度只有一毫米嘅栗子絲覆蓋著，而每日只有40位客人可以品嘗到呢個栗子藝術品。呢件蒙布朗蛋糕嘅受歡迎程度唔係講笑—忠實粉絲由朝早7點就開始排隊啦！
但係除咗蒙布朗蛋糕之外，沙織嘅其他栗子甜品都非常值得介紹。例如佢哋只採用當造時期嘅水果嘅栗子芭菲 (¥2,300)，同埋用帶著淡香嘅栗子粉包住嘅白玉糯米糍 (¥1,600)。
この投稿をInstagramで見る
沙織嘅營業時間為每日早上10點到晚上6點，但係每朝早9點佢哋就會開始派發入場券，而你嘅入場時間將會由你嘅入場號碼決定。根據唔同入場號碼，你嘅入場時間大概係：
No.20 起 ～ 11AM
No.30 起 ～ 12PM
No. 40 起 ～ 1PM
No.50 起 ～ 1:30PM
No.60 起 ～ 2:30PM
No. 70 起 ～ 3PM
如果你想食佢哋嘅數量限定嘅蒙布朗蛋糕嘅話，我哋建議最好朝早7點半到8點就開始排隊