黎到北海道當然要食蟹🤤我係5月中去，本身想book冰雪之門，但唔記得喺邊度睇到冰雪之門喺夏季時話過活毛蟹供應不穩會以其他蟹代替。為左唔想冇得食活毛蟹，我喺tabelog 度逐間搵就搵到呢間😋😋😋非常好味，服務又好，而且全間店都係個室😋😋😋首先上左前菜小碟同刺身拼盤，刺身好新鮮😋我地揀左每人21000yen豪華蟹料理🦀店員仲會拎成隻活毛蟹入黎俾我地影相，隻蟹又大隻又新鮮，仲識郁。之後處理完活毛蟹再上枱，蟹腳可以生食同shabu shabu，我自己鍾意烚，口感更好而且好鮮甜～蟹蓋同蟹身就烚熟再上枱，好好味，而且剪到好方便食。燒物係帝王蟹腳，都好好食，啖啖肉好大隻。另一款燒物係甲羅燒，呢款就太多奶油，味道一般。之後上左雪場蟹腳同帝王蟹腳天婦羅，正常發揮，都好食的。蟹肉茶碗蒸都好食😋蟹飯同蟹麵豉湯都非常好味，好鮮甜🤤🤤🤤🤤最後仲有水果同蛋糕，味道就一般。成餐都好滿足，食得好飽，服務亦都好好。呢間餐廳仲有出名食網走喜知次，雖然好想食，但呢個餐真係好豐富，如果叫埋一定食唔晒😂但係如果多人去嘅話非常建議叫埋～…Read More
