影片
電話號碼
06-4396-7270
開飯介紹
這是一家金槍魚專門店，除了售賣新鮮吞拿(金槍)魚的各個部份外，還提供鮮美壽司及丼飯，而且價錢相宜，頗受好評。近乎是現點現握的壽司按其肥美度分為三個等級，以中價位(約1,500日圓 /3件)來說油脂分佈已相當平均，若嫌吃得不夠過癮，可點大蔥拖羅丼(約1,000日圓 )或此店最受歡迎的三色丼(約2,000日圓)。
繼續閱讀
營業時間
今日營業
09:00 - 17:00
星期一至六
09:00 - 17:00
星期日
全日休息
公眾假期
全日休息
以上資料只供參考, 請與餐廳確認詳情
招牌菜
相關文章
在黑門每次必會食魚生，今次經過這間黑銀好多人排隊就覺得點都要一試🤔🤔鋪面分為3部份，分堂食，外賣壽司，外賣丼飯，企理乾淨，每部份有專人落order同收錢，仲劃分立食區可慢慢品嚐美食。我點左人氣No.2,大拖羅丼 ¥1600拖羅好新鮮，飯面加上芝麻好香個粒魚子好飽滿，好多汁👍👍
繼續閱讀
大阪市內其中一個旅客必到嘅景點就係「黑門市場」。眾多親友去過都介紹話朝早越早去會越多好野食；如果只有時間去一次的話，揀離開前嗰日或嗰朝去可以邊食邊執啲正野返香港。上網查過，得知市場內有兩間人氣壽司店，其中最易搵就係位於入口處嘅「黒銀 黒門市場本店」。店子黑紅嘅門面同黑門市場個牌一樣色，襯到絕呀！小店光猛企理，感覺極之潔淨，門外有個出哂煙嘅木造飯桶，行過聞到飯香，即令人流哂口水。八點半到步時見冇人排隊喎，幾口子諗住第一個去幫襯啦，點知人家原來八點九先正式開門。邊等邊了解店子嘅運作，發現雪櫃內擺放出不同部位及價格之吞拿魚件。顧客可以買返屋企食之餘，亦可麻煩師傅即場切成刺身、握成壽司、或製出魚生丼。如相所示，師傅帶哂手套，好衛生架！加500円可有生啤一杯送魚生，不過早上九點未到就飲酒真係有啲過份囉！店內只有數個吧位，五個人坐哂，後面啲客就要等等啦！當日由姨媽話事，一買就買咗盒6千円嘅大拖羅，交由師傅切成刺身及壽司。嘩，粉嫩嘅大拖羅入口即化於口中，鮮香肥美，實在係太好味啦！「黒銀 黒門市場本店」果真有料到，小店乾爽企理，老闆員工一樣友善好客，拖羅質高味佳，價錢合理，吃畢家人都只恨叫得太少，無奈眼見後面條人龍已打哂蛇餅，唯有下次黎大阪時再食過。
繼續閱讀
黑門市場咁多間食肆有時真係好難揀但哩間係我去4次4次都必食既食肆今次因為想食多幾間所以點餐比較少五個人點了兩碟四色Toro 飯飯係壽司飯有少少芝麻做點綴不過重點係Toro4色其實係4個部份亦有肥有瘦口感和有不同不過都係屬於偏瘦油脂不多既部分但份量絕對夠晒送飯同食飽所以非常之抵食。如果想食肥D,油脂重D我會建議食返刺身哩份刺身屬於比較多油脂既偏白既Toro是最油既部分雖然咁厚但都有入口即溶既口感不過我就偏愛較紅個一塊有少少咬口但入口依然充滿魚油總括來講，我個人比較喜歡刺身喇
繼續閱讀
天光便醒了，這麼早便打算到附近的黑門吃早餐。市場內的店都在準備開店，只有黑銀已經提供食品。它是我心水食店之一，來到當然要試它的三色井。店主推介我們享用特選三色井，最好的是他讓我們二人點一碟來分享，讓肚子待會可試更多美食。壽司飯上鋪滿三色吞拿魚，包括赤身及拖羅中的大腹和中腹，刺身比飯多。先吃較淡身的赤身，再吃令我垂涎欲滴的拖羅😋，油脂入口溶化，吃罷會不捨得口中的魚油甜味。師傅在我們面前的枱切吞拿魚，厚得像一大件牛扒。我們在讚嘆之際，師傅醒了我們兩片吞拿魚。近廚得食就是這般😆吃罷嘴巴仍然是魚油香味😋😋😋😋😋我太愛吃吞拿魚了🤗
繼續閱讀
行得差不多，我們便回程了，到我們今日最後的一個目的地 -- 黑門市場啦~到黑門市場，是為了我們的午飯~ 我們今天的午飯地點，就是黑門市場內的黑銀! 聞說它的三色丼很鮮味，所以要來試試看呀!黑銀的位置並不難搵~ 在近鐵日本橋站黑門市場出口，一直行到黑門市場，第三個路口位就是啦~ 店子其實是間路邊店子，一邊賣魚生，另一邊只有四、五個座位做熟食~ 到達的時候，剛巧有食客離去，所以我們可以順利座下~難得來到，當然要點一份三色丼! 另外亦點了一份豚肉麵豉湯，因為我們的座位隔離就是一窩大大的豚肉麵豉湯，看著熱辣辣的湯，真想點一碗暖暖身子呢~豚肉麵豉湯顏色較深，入口濃郁稠密而帶有豆香，湯中有不少豬肉，全都鬆軟非常，加上了蔥花，令麵豉湯的變得清爽動人~~ 是小妹飲過的麵豉湯中，質素最好的頭五位呀!!多等一會兒，三色丼上場啦~ 主角的三色其實是赤身，中拖羅及大拖羅。赤身是三件中最少油脂的，魚味較濃，肉感較為結實~ 中拖羅魚身較白，油份適中~ 最油脂豐富的，必定是大拖羅啦! 入口即溶的口感，真的美味得邪惡!三色丼上桌前已添了醬油，所以味道剛好，而白白胖胖的珍珠米煙韌有嚼勁，不錯~貼心的店主為免大家單食白飯很單調，特意添上紫菜、芝麻、蔥花以及最重要的拖羅魚蓉! 拖羅魚蓉油潤豐富，用來伴飯食，真的是最好呀!! 平時不愛吃飯的我們，也吃光光了~這樣美味的三色丼，才2000yen，實在是抵食呀!!
繼續閱讀