(source: Naniwa no Yu Official Website )
講起大阪，最快諗到嘅可能係道頓堀嘅霓虹燈，又或者係無數嘅街頭小食。但係，縱使大阪擁有世界尖端嘅科技，大阪人仍然堅持好多傳統文化－－就例如錢湯／溫泉文化咁！今次等我地帶你去我哋最鐘意嘅三間溫泉，同埋介紹下佢哋店內嘅餐廳啦！
Naniwa 之湯 (なにわの湯)
離大阪站僅僅15分鐘，Naniwa 之湯係每個忙碌遊客嘅一站式嘆一嘆嘅場地。佔地八層樓嘅Naniwa 之湯除咗有九種唔同溫泉外，更有一個機舖同埋三間餐廳。佢哋有啲天然溫泉有得比你坐喺個大壺入面、訓低喺背脊噴水池、又或者欣賞由地下659米湧上嚟嘅100% 天然源泉。
View this post on Instagram
Yuu Shokuka Hana Ichiban Rien 呢度有三間餐廳，分別係：主要食較高級嘅涮涮鍋同埋烏冬 (價錢由 ¥580 至 ¥1,580 不等)、主要食油炸小食同埋湯麵 (價錢由 ¥250 至 ¥1,180 不等) 同埋喺一樓嘅韓式燒肉店。呢間燒肉店有提供合理價錢 (¥780~¥1,590) 嘅午餐。
Naniwa 之湯嘅營業時間係星期一至星期五 10AM 至 1AM 同埋周末嘅 8AM to 1AM。
この投稿をInstagramで見る
由關西機場去只要15 分鐘，仲要係Rinku Outlet隔離，Rinku 之湯會係你飛前飛後嘅好去處。呢度一共有六個唔同池，有時仲會有季節限定嘅風呂。如果夾啱時間嘅話更可以喺露天風呂睇日落添！Rinku 之湯仲有提供岩盤浴，目的就係等你訓喺啲熱辣辣嘅石上面嘅時候幫你排毒。喺你走之前不妨睇一睇佢哋藏有三萬本漫畫同雜誌嘅書庫！
Rinku 茶屋溫泉入面嘅 Rinku 茶屋係浸完溫泉之後去飲飽食醉嘅地方。同屋企人又或者朋友坐喺地下，圍住張枱一路傾偈一路食嘢，幾開心！呢度最主要食家庭式嘅粉麵飯，價錢由¥200 到 ¥980不等。溫響提示：凡點定食嘅顧客可以任裝白飯！！！
Rinku 之湯嘅營業時間係星期一至星期五 9AM 至 1AM 同埋周末、公眾假期嘅 7AM 到 1AM。
この投稿をInstagramで見る
被 Nifty 溫泉雜誌譽為西日本嘅20大溫泉勝地，くつろぎの郷 湯楽有兩個唔同嘅區域：岩之湯同檜之湯。岩之湯逢奇數日子開放比男性，偶數日子開放比女性。除咗有常見嘅石林風景，岩之湯仲有幾個好特別嘅風呂，例如人會浮起嘅死海風呂、由地下1，050 米噴上嚟嘅噴泉、同埋訓係度嘅按摩池。
另一方面，檜之湯逢奇數日子開放比女性，偶數日子開放比男性。喺呢度你會聞到陣陣檜樹嘅清香，同埋幾個話題風呂，包括白雪雪風呂、佈滿黃色樽膠鴨仔嘅小童池、同埋坐喺度被水柱打頭部穴位嘅池。
Yuraku-teiくつろぎの郷 湯楽入面嘅餐廳湯樂亭提供日式同韓式嘅嘢食，亦有季節限定嘅menu。呢度嘅嘢食都幾大份架。價錢有¥232 至 ¥1,167不等。
くつろぎの郷 湯楽嘅營業時間係每日 10AM 至 2AM。
http://osaka.yuraku4126.com/index.html
この投稿をInstagramで見る